أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم للجميع
بالله انا عندي سوال وابي مساعدتكم
انا مخطط اني اخذ اهلي 5 ايام الى لوس انجلس من 22 الى 27 ديسميبر وابي ابسطهم هناك لكن ما اعرف وين ابرووح
(ما معنا اظفال)
لا تبخلون علينا بالله
وعليكم السلام ورحمة الله وبركاته ..
أرشح لك هالتقارير راح تفيدك كثير ..
( كل إلي عليك إنك تختار ما يناسبك لترتيب جدول 5 أيام للوس انجلوس لأن ما شاء الله الخيارات فيها كثير ) https://artravelers.com/p/re/232906
بالإضافة إلى ... https://artravelers.com/p/re/357243
السيارة ضرورية هناك وأنا أخوك
مواقع للحجز وتققيم الفنادق ..
http://www.tripadvisor.com/
حالة الطقس ..
http://www.tripadvisor.com/Travel-g32655-s208/Los-Angeles:California:Weather.And.When.To.Go.html
رحلة سعيدة وموفقه بإذن الله يالغالي
عليكم السلام
اخوي الاخوان ماقصروا وليد وكاكاشي
لكن لوس انجلوس 5 ايام ماتكفي ابد حاول تخليها عشرة ايام عشان تقدر تضيف سان ديغو
والاختيار لك
بالتوفيق ...
اخواني وليد و كاكاشي احمد
اشكركم كل الشكر لمروركم
لكن انا الي مخليني ادوخ ا
ن الاماكن كثيره دخلت اغلب الروابط وانفجر مخي من كثر الاماكن
بالنسبه انها خمسة ايام الشكوى لله مهنا اجازة
فبحكم انكم خبراءنا وما خاب من استشار
بالله اكملو الفراغات التاليه
اليوم الاول:........................
اليوم الثاني:......................
اليوم الثالث:....................
اليوم الرابع:..........................
اليوم الخامس:.........................
الله يوفقكم و يسلمكم والله ما تتصورون قد ايش بتخدموني بهالخصوص
انا راح اكون ساكن في فندق Hyatt Regency Century Plaza
بالعربي بس بيني وبينكم انا اول مرره اسفر اهلي العاده ادربيها لحالي ومع الشباب
بالله تكفون
لا شكر على واجب يالغالي ... مدري بس حسستني إني في اختبار
بسم الله الرحمن الرحيم
أول شي أهنيك على موقع الفندق ( ما شاء الله تبارك الله ... اختيار موفق يا صديقي ) للمعلومية : موقع فندقكم يقع في الشمال من لوس أنجلوس وأغلب الأماكن المهمه في لوس أنجلوس توجد في الجزء الشمالي ( موقعكم ) والجزء الجنوبي .... بقسم الجدول بحيث إني سأضع خيارات الجدول لمنطقة الشمال أما منطقة الجنوب سأضع بعض الخيارات وبعدها إنت تحدد إذا حاب تزور منطقة الجنوب أو لا .
منطقة الشمال ( منطقة فندقكم )
اليوم الأول : Hollywood Walk of Fame - Hollywood Sign - الغداء في المنظقة القريبه من ( Hollywood Walk of Fame ) - التجول في Santa Monica Pier وممكن يكون العشاء هناك . اليوم الثاني : Universal Studios ( مدينة الألعاب ... راح يكون معاكم حتى لوقت الغداء وما بعدها على حسب مزاجكم ) - زيارة Venice Beach ( ومشاهدة الغروب هناك ) - يوجد في منطقة سكنكم العديد من المتاحف بالإضافة إلى المسرح الصيني ( إن كانت مثل هذه الأشياء تناسبكم ؟؟؟ ) اليوم الثالث : زيارة الأحياء الراقية ( Beverly Hills - Bel Air ) - زيارة Mall The Grove ( مجمع رائع ) اليوم الرابع : زيارة six flags ( مدينة الألعاب ) - بعدها زيارة مجمع Hollywood & Highland Center ( قريب من المسرح الصيني القريب من منطقتكم ) اليوم الخامس والأخير : زيارة منطقة Malibu - Santa Barbra والاستمتاع هناك الخيارات في جنوب لوس أنجلوس ( Newport Beach - Irvine - Anaheim - Costa Mesa - Long Bech ) ولتافصيل أكثر عن منطقة الشمال والجنوب أنصحك بالإطلاع على تقرير مشرفنا الغالي ( وراح تستفيد الكثير منه ) للدخول على الرابط ( ) أتمنى إني قدرت أفيدك وحتى وإن كان شيئا بسيطا فأعتذر منك ( وفي النهاية للناس أذواق وميول في السفر ) مهم جدا : وقت الذروة عادتأ يختلف من منطقة للاخرى لاكن المتوسط تكون من الساعة 7-9 صباحاً ومن 3-7 مساءً والسبت والاحد تزيد شوي بما انها نهاية اسبوع من 9 صباحاً الى 7 مساءً!! دعواتي لكم بالتوفيق وأن تكون رحلتكم سعيده وموفقه بإذن الله
كثر الله خيرك اخوي كاكاشي
الله يسلمك
الحمد لله بالنسبه للفندق توفقت فيه من ربك والله وان شاء الله يظلع حلو
انا عندي سوال لنفرض اني ابروح لبيفيرلي هيليز او فينيس بيتش كيف اقدر ادخل الغنوان بالقارمن؟
مع كل اعجابي بالتخطيط حق اخوي كاكاشي الي تعجز الكلمات عن شكره
ولو اجلس انا ابخطط لحالي راحت الخمس ايام كلها تخطيط
هل فيه احد عنده اقتراحات اخرى رايين احسن من راي
اكرر كل الشكر والتقدير لك كاكاشي اللي احرجني الحقيقه بحرصه و النصاىح الاخويه
