المصروف يكفي وزيادة .. المصروف المعتاد لشخصين = 450 * 10 أيام = 4500 ريال
الفنادق .. أنصحك تغير فندق هارد روك مايصلح لك فندق كله موسيقى وفيه بار وملهى ليلي خذ بارك رويال أفضل منه 1000 مرة

أضافة على نصيحة أخونا المغادرون..لماذا الرجوع الى صن واي لاقون ؟ بامكانك أن تسكن في الفلل في أول يومين اما آخر يومين خلها في بورت ديكسون أفضل...
بالنسبه لبوكيت بنتنق....عندك ويستن...ملنيوم....بيكولو ...باركرويال....أفضل

هلا بك أخوي
بحكم أنك عريس جديد وطالع شهر عسل أنصحك بتعديل شوي من جدول رحلتك
يومين في سيلانقور أنا جربت فندق قولدن هورس مره روعه وراقي ومطل على بحيرة ومجمع تجاري.

• تطلع طياران الى لنكاوي

ثلاث أيام بجزيرة لنكاوي في أكواخ لنكاوي لقون

• تطلع عن طريق الفيري "سفينه" الى بينايج ورخيص ماهي غاليه ماتتجاوز 400 ريال لشخصين

ثلاث أيام في جزيرة بينايج فندق هوليدا أن مكانه استراتيجي .أقصد كل شئ تحتاجه راح تحصله حول الفندق وبدون تاكسي

• طياران الى كولالبور

يومين كوالالمبور بأي فندق تبيه بس يكون قريب جنب التوين تاور أنا سكنت بفندق أسمه كورس مره حلو.
هذا الجدول اذا كنت أنسان تحب الطبيعة والرمنسية ومسافر لماليزيا لمشاهدة جمالها الطبيعي
وأذا كنت تحب الأزعاج المجمعات والتسوق خلك على جدولك لأن بنظري حرام تجلس بكوالالمبور 5 ايام مافيها شئ الا الأسواق وتخلوا من الطبيعة لكثرة المباني والعمران فيها
بالنسبة لتكاسي راح تحصل هناك بكثره وعلى حسب طلبك تبيه يتكلم عربي ولا انجليزي أطلب من الي يشيلون الحقائب بالفندق وقوله ابي سواق يتكلم عربي على طول راح يطلع جواله من جيبه وراح يكلم معارفه السواقين
ويفضل تأجر منهم باليوم يعني تحجزه يوم كامل مايتجاوز 200 رنقيت طبعا انت وشطارتك
وأتمنى لك رحلة موفقه بأذن الله

أبو ليانا
بس حبيت أصحح لك هذي المعلومة نكلفة الفيري بين لنكاوي وبينانج = 120 رنقت أي مايعادل 150 ريال فقط وليس 400 ريال

مشكور على أخوي على التنويه
أنا قلت "ماتتجاوز" 400 ريال لأني ماكنت أذكر المبلغ بالتحديد
ولم أقول أن سعر التذكره 400 ريال يعني كلامي مجرد حدود للقيمة وليس سعر
تحياتي لك يالغالي

أبو ليانا
عداك العيب يا أبوليانا .. الغرض هو خدمة صاحب الطلب وكلنا مكملين لبعض

المغادرون 2007
مافيه شك يا خوي وكلك خير وبركة
تحياتي لك يالغالي

يطول لي بعمركم ياجماعه والله يعطيكم الف الف عافيه
بالنسبة لإلغاء حجز الهارد روك ان الدفع غير مسترد
وخلاص مافيه امل اقدر لكن الباقي يمكن نقدر
وبالنسبة لكوالا انا ابي اماكن فيها اسواق قبل ارجع للرياض بحكم انه بنشتري وغيره ونتمشى في هالمدينة احس انها شي خيالي ونشوف تطورهم عالاقل
بس اخوي المغادرون البار اللي تقول عنه والملهى الليلي هل يسبب ازعاج بالغرف ؟
ياليت تفيدني بالموضوع لانه المبلغ مايرجع لي ابدا

mercure
الفلل وانا اخوك غاليه شوي وميزانيتي ماتسمح
قلت اخذها اخر يوم وتكون قعده بالفله ومانطلع منها ابدا الا اذا كان للسوق اللي بجمبها
يعني تختيمها مسك هذا المقصد