نبض الغلآ
17-04-2022 - 07:22 am
السلآم عليكم ورحمة الله وبركاته
بصراحه لي فتره بسيطه متابعه لمنتداكم
وشفت رحلآتكم وكل وحده احلى من الثانيه
وبصرااحه قررت انا وزوجي نسافر لتركيا الاسبوع الجاي
لمدة 10 اياام
فالي ابيه منكم لاهنت برنامج لمدة 10 ايام اشوف انطاليا حلوه واسطنبول حلوه
وبورصه حلوه بس ماني عارفه اسوي اي شي ولا اي برنامج
فا ابيكم تفزعون لي وتسوون لي برنامج بما انكم خبره في تركيا
وين اروح ووين اجي
وشلون طبيعة الجو هناك ..
والاهم ابي سايق يهرج عربي لاني لاانا ولازوجي نعرف انجليزي
وبس وسلآمتكم
بنتظاركم بفارغ الصبر
بخصوص انطاليا فشيليها من بالك في الصيف جوها حار ومليانه اوروبيين مسدحين على البحر
وبدلها روحوا طرابزون جوها بارد وامطار
والترتيب كالتالي:
2 يوم اسطنبول
4 ايام طرابزون
2 يوم يلوا + بورصة
2 يوم اسطنبول
أو
حجز طيران داخلي لطرابزون من اسطنبول عند وصولكم مباشرة ويصبح الترتيب كالتالي :
4 ايام طرابزون
2 يوم يلوا + بورصة
4 أيام اسطنبول
ورحلة سعيدة