السلاام عليكم
هلا بالجميع
صراحه هذا اول موضوع لى بالقسم
انا من عشاق الرياض والحمدلله زوجى من الرياض بالعلم انى من اهل الشمال واسكن هنااك
وانا ماشاء الله تزوجت قبل شهر .. وجلست اى الان طول الشهر بالرياض وبما انى عروسة
ماطبخ الا خفيف والعشاء لازم بالمطاعم من باب التغيير والرياض ترفيتها بالكوفى شوبات والمطاعم والمولات
واليوم جربت اسوء مطعم مريت عنده بس الحمدلله ماتعشيت فيه وهو مطعم برح الحمام اللى بالتخصصى
من اولها يتشرطوا يعنى كانى بستاجر غرفه عندهم مو اكل
المهم طال عمركم انا كان ودى اتعشى خفيف لانه كنا انا زوجى متغدين متاخر
المهم شفنا القائمة والله عجبتنا اشياء خفيفه المهم جاء النادل قال له زوجى فى حمام محشى قال لا
فى محاشى محشية لالا فى كذا لالالا
وقائمة المشروبات حدث ولاحرج والله مافى غير البيرة والسفن اب وتفاح وعنب اللى يجيب الحرقان
قلنا له لى مافى مشروبات طبيعية فرييش قال صاحبة المطعم ماتبغى ؟؟؟؟ والنادل يتشرط يقول مايصلح
مع امشاوى غير اللبن عاد انا انقهرت قلت له حنا اللى بنشرب ولا صاحبة المطعم .... عدييتها له
المهم طلبنا اشياء خفيفة
وبعدين قال لازم تزيدوا الطلب قلنا ليش قال على كل شخص لازم 70 ريال ياسلام يعنى لازم نسك
0ريال هذا غير الخدمة الا 17 % ريال مو 15 كمان
انا عصبت قلت كمان ماتشرطين بالفلوس غير الخدمة النادل حس انه ثقل دمة علينا وقال لزوجى معليش
والله حنا عمال هنا وصاحبة المطعم هى الى ماتشرطا
بالقائمة عندهم وجبات من السبت الاربعاء حتى لما طلبنا المحشى قال يوم الخميس
يعنى ناكل على حسب مزاج صاحبة المطعم ماتدرى صاحبة المطعم انه الناس احيانا تروح المطاعم عشان
يشتهوا ياكلوا اكلات معينه ....
الزبدة قلت للنادل يعطيك العافية ماقصرت
وطلعنا والصراحة والحق ينقال انا مو بخل بس حنا بالرياض دورت مطاعم كثير رحنا الغالى والرخيص والمتوسط
والصراحة رحت مطعم السرايا التركى اكلهم يجن والخدمة 7 ريال وحمامتهم ا-حسن من حممامات برج الحمام على الف مرة
فرق السماء ع الا رض بالعلم السرايا التركى مفتوح من 20 سنة فرق بكل شى
وطلع حسبنا 52 ريال انصحكم بمشوى سمان والله ياجماعه خيال فرق بينه وبين مطعم ابو شقرة اللى بجده
دقت السمان وماعجبنى اللى بالسريا مشوى من قلب والله وطعمه لذيذ وجابوا لنا 4 حبات 20 ريال
والمقبلات على طلبنا محمرة 6 ريال وبرج الحمام 15 ريال النصابين
ياكرهى لك يابرج الحمام وانصح ماحد يروح له
وانصحكم بالسرايا التركى والله اكله لذيذ وخفيف وسعره حلو والله يبارك بصاحب المطعم ويزيده من نعيمة
انا بالعلم ماعمل دعاية اقسم بالله بس احكى تجربتى بالمطاعم
وسلامتكم