مساء الخير
هلكني السكن وتبققت عيوني من المواقع ماخليت شارع بلندن مادورت فيه
كنت مشطبه على كل شئ وغيرت رأيي عن السكن الليله ب 1000 فكرت ليه ماانزل المبلغ للنص بدل مايطلع لنا 6000 ب 6 ليال يكون ب 3000
كلش ماعليه حسوفه لاأكل ولااماكن ترفيه الا السكن خساره وسفرتنا ترفيه وسياحه مو أستجمام
لندن صدق غير وتأكدت أن فنادقها اذا مو ***** وبعض **** والا الباقي كله زباله تكرمون حرفيا صدق
اشوف للفندق تقييم ماعليه جيد وارجع للتريب ادفايز والناس منزله صور بلاوي اما شعر ووصاخه والاشئ مبقع والباث اخخ
وناس طلعت غرفهم بالبيس منت (SCARY MOVIE ) مو سياحه
أقتراح للي يبحث عن سكن بلندن :

• السكن بالشقق خيار ممتاز للعوائل وحالة الشقق ممتازه وسعرها جدا مناسب الليله ب1000 والاثاث ممتازوالمكان حلو

مثلا
ا Grand Plaza Serviced Apartments
Hyde Park Suites (بموقع AGODA عليها دسكاونت الليله ب 400 ريال يابلاش)

• كم فندق حصلتهم حلوين نظافه والسعر يابلاش

للي هدفه الفندق للنوم فقط
Elysee Hotel
وفندق باداره عائليه الرتز عالي في تريب ادافايزر اسمه LUNA&
WESTPOINT HOTEL سعره 2500 بأسبوع للشخص جنبه محطة باصات ومحطة بادنقتون
Eden Plaza Kensington
الفنادق فيBayswater and Paddington وMAYFARE وكينزتون خيار جيد والمنطقه مرتبه
الموضوع عن رأيكم ب3 فنادق
الأول
Cheshire Hotel
طلع لنا ب 4000 بأسبوع
ماصدقت أحجز وأرسي عليه بس تخوفت من مكانه تمشيت فيه بقوقل ايرث وانا طالع منه على يساري حي SOHO ومثل مااسمع منه الحي مش مضبوط
والثاني بيوصل 5000 (مو كنها ماتسوى البهذله شوي ونوصل الليله ب 1000 )
Radisson Edwardian Sussex Hotel
الثالث
Lancaster Gate Hotel
طلع لي 4800 ل 6 ليال
+ أي فندق بسعر مناسب في شارع pond's street والشوارع المتفرعه منه ؟ تمشيت بالمنطقه مريحه ومرتبه
المقارنه من ناحية الامان والسمعه وجود محطة باصات قريبه (مو اندرقراوند ) السعر خارج الحسبه
الخيار الرابع وفي حال مانفعوا اللي فوق
فندق رائع عجبني اثاثه وأهم ميزه بالنسبه لي انه قريب من محطة فيكتوريا +على شارع رئيسي وكله bus stops
The Grosvenor
Buckingham Palace Road, City of Westminster, SW1W 0SJ London
وسعره حلو ب 5000 ل 6000