هلا بك اختي
مدام انكم تبون تطلعو على لندن وعلى فرنسا وسويسرا لازم تطلعون فيزتين
فيزة بريطانيا وفيزة شنقن
الفيزا البريطانية اللي اعرفه انه بسهولة تطلعونها
اما بالنسبة لفيزة الشنقن
انا طلعت الصيف اللي راح من لندن الى فرنسا مع الأهل وكانت فيزتنا من النمسا>>يقولون انها سهله
المكاتب اللي تسألين عنها كثيرة
وأحسنهم مكتب الطيار على شارع التخصصي
او الصرح على طريق الملك فهد
او الدولية للسياة والسفر>>هذا اللي انا اتعامل معه ويقع على طريق الملك عبدالعزيز
تقريبا ياخذون على كل جواز 150 ريال أتعاب
غير قيمة الفيزا
بالتوفيق،،
واي سؤال انا حاضر

هلا اختي ..
بريطانيا لها فيزا خاصة غير فيزا الشنقن
ولازم حضوركم للسفارة البريطانية علشان ياخذون بصماتكم وصوركم
ولاتشيلين همها يوم واحد وتطلع افضل من فيزا امريكا اكثر من شهرين اعوذ بالله
بخصوص فيزا الشنقن يفضل تستخرجونها من سفارة البلد اللي بتدخلونه اول
لان فيه تشديد الحين
وبالتوفيق

طلعوا الشنجن من سفارة ايطاليا او اليونان وان شاء الله اموركم تسهل ( تصدقون من طلع شيئ اسمه شنجن ما عمري طلعت الفيزا من السفارة الفرنسية مع اني سنويا هناك ) ونكرر للاعضاء اللي ما تابعوا معنا السنة الماضية نصيحة نصيحة لا تقدموا على الفرنسية لان فيها مدام جودي وقواعدها صارمة في استخراج التاشيرة واسألوا اللي جلست جوازاتهم هناك شهر وبعدها رفضت تعطيهم الفيزا ... تحياتي .. scott

مشكور يا سكوت على نصيحتك
انا كثير قالوا لي استخرج الفيزا من سفارة البلد اللي بتسافر له اول
لان فيه تشديد الحين حتى المشرف الشاب يقول نفس الكلام ،، اخاف امشي على كلامك واتورط والا وش رايك
اروح سفارة ايطاليا على شورك ،، اخاف على الحدود يقولون ليش ما رحت ايطاليا وانا اصلا وجهتي لباريس

قنبلة الانترنت
الله يهديك ويبارك فيك الامر اسهل مما تتخيل معك شنجن سياحة ساري الصلاحية تدخل اي دولة من دول الاتحاد الاوروبي طيب وش يقول النظام نصا :
1 - اذا بغيت تسافر لدولة واحدة من دول الشنجن تستخرج الفيزا منها
2- اذا بغيت تسافر عدة دول للشنجن تستخرجها من الدولة اللي بتقعد فيها اطول مدة
3- اذا كانت الدول اللي بتزورها متساوية بنفس المدة تستخرجها من الدولة الاولى اللي بتزورها
ولا يوجد نظام يقول ان من غير تخطيط اجازته لسبب او اخر من روما لباريس انه يجب عليه تغيير الشنجن من السفارة الايطالية الى الفرنسية ( يعني بسيطة جدا اذا قال لك احد ليه معك شنجن ايطالي . قل له سمعت ان روما هالسنة حر وقلت اروح لجو باريس البارد او تخلبطت حجوزاتي بسبب ظروف عائلية .. هذا اذا احد قال لك شيئ ) وانا اخوك انا ما اعرف الا السفارة الايطالية متقاول معهم ولاعمري رحت لروما الا مره وحده من خمس سنين ومع احترامي للي يقول تشديد انا شبه شهري في اوروبا بحكم عملي ما عمر احد قال لي وينك رايح ... يمكن تكرار الزيارات اعطاني قوة في التعامل معهم او اني امشي على البركة وتوفيق رب العالمين المهم انها ماشية معي وناس طبقوها ومشت معهم ... تحياتي ... scott

شكرا لكم كلكم
سكوت !
بعد تقريبا اسبوعين الوالده ضروري تطلع ل باريس !
وللحين تخيل رافضين يعطونها الفيزا ! ( السفاره الفرنسيه )
جددنا جوازها
وراح الوالد ب جوازها ل اليونانيه !
قالوا له !
لازم تقص تذكره يونانيه !!!!!!!!!
وش نعمل فيها هالتذكره :@
خساير وبس !!
الحين وش نسوي !!
خل نخلص موضوع الوالده أول
بعدها نبدا ب سفرتنا
بليز أبي جواب
الوالد راح ل مكتب ب التخصصي ! ماضبطوها !

اهلين
انا راعية كيف !!
بس معرف وش مشكلة يوزري !
تلسفت هذا من صاحبتي
المهم
شكرا لكم كلم
لكن اخوي سكوت
شكل لك خبره ب سوالف السفارات
وهنا مشكلتنا !
امي ضروري بعد اسبوعين تطلع ل باريس !!
وتصور حاجزين الاوتيل وكل شي
بس للحين مو راضين يعطونها الفيزا !
كيف نتصرف !
رحنا لليونانيه }{ بعد مارفضت الفرنسيه }{ قالوا
لازم تقصون تذكره يونانيه !
:112:
وش هالحكي !!
وش نعمل فيها هالتذكره ؟
:112:
شورك ياخوك ؟

بيض الله وجهك يا سكوت
والله ماتقصر الله يعطيك العافية
الحين ارتحت من ناحية الفيزة وبطلعها من الايطالية على كلامك
دام اجرائاتهم تساهيل .. الله يسلمك

رقم صاحب مكتب المتخصص للفيز السياحية
يمنع وضع الارقام الشخصيه-الادارة