وعليكم السلام ورحمة الله وبركاته
اختي بنت قطر اقري اكثر من تقرير واعرفي مودك وشوفي وش الي يعجبك وش الي مايعجبك
وبعدين تقدرين تقرري وجهاتك كلها

الاولويه
الباص الاحمر
ايفل
اللوفر
فرساي
الهضبه
ديزني لاند
انتي تحبين الاشياء التاريخه والمتاحف ام لا علشان يسهل الترتيب

شوفي تقريري وزيدي عليه الباص الاحمر + هضبة مونمارت + ممكن جوله نهريه بالسفينه على نهر السين من عند ايفل

فيصل ومزاجي الف شكر
بس كان ودي تكتبون لي الاماكن واطبعها
حدي بزي ماقدر اقرى شي كفايه كرف الدوام
يعطيكم العافيه

هلا اختي
اول يوم خلية وصول وجولة بالشانز والمحلات اللى فية وزيارة قوس النصر باخر الشارع والصعود لة والاستمتاع بالمناظر الساحرة لباريس
اليوم الثاني روحي زيارة لقصر فرساي
اليوم الثالث روحي لدزني لاند
الرابع والخامس شراء تذاكر الباص السياحي وهو بياخذ لك لفة بباريس
راح يمر فيك البرج وعلى السين والحي اللاتيني والوفر والاوبرا طبعا" انزلى بكل محل وتمشي فية
ومتى مامليتي ارجعي اركبي اي باص وكملى
اليوم الخامس الصباح روحي هضبة المنومارت
هذي افضل الاماكن بباريس

ماشاء الله عليك ابوطلال جدولك وايد حلو..وبخصوص الباص كيف الواحد يركب باي باص احمر موجود بهالاماكن مش ممكن يودينا لمكان احنا رادين منه؟اسفه على المداخله ...ورحله موفقه يابنت قطر