عندك 13 ليله
وهذا برنامجك
ليلة سلانجور
3 ليالي لنكاوي
3 ليالي بينانغ
3 ليالي كاميرون
3 ليالي كوالا
برنامجك مافيه شي ... ممتاز ان شاء الله
لكن في ملاحظه وهي تعتبر وجهه نظر وهي ان ليله في سيلانجور او كوالالمبور بالبدايه غير مجديه ابد ..
يا انك تواصل رحلتك الى لنكاوي .. او انك تخليها ليلتين ...
ويكون على حساب كاميرون ..
يعني يصير الجدول كذا ( سيلانجور او كوالالمبور ليلتين ثم لنكاوي 3 ليالي ثم بينانج 3 ليالي ثم كاميرون ليلتين ثم كوالالمبور 3 ليالي )
اما سؤالك عن بيننج ولنكاوي :
بالنسبه لي اشوف ان لنكاوي تغني عن بينانج ...
وغيري يشوف ان بينانج تغني عن لنكاوي .. او على اقل تقدير بينانج افضل من لنكاوي
وغيرنا يشوف ان بينانج و لنكاوي مثل بعض ولازم زيارة اثنتين
والاراء كثيره وكلها صحيحه ...
ولو تبي تسمع رائيي بالتوزيع الافضل ل 13 ليله ( طبعا وجهه نظر ) فهو :
( كوالالمبور ليلتين ثم لنكاوي 4 ليالي ثم كاميرون 3 ليالي ثم كوالالمبور 4 ليالي )
والخبراء ما يقصرون معك ان شاء الله

عطفا على ماذكره اخونا وحبيبنا ابو نايف
انت من يستطيع تحديد ماتريده
لنكاوي هادئه ورومنسيه وبينانج مزدحمه وفيها انشطه وفعاليات كثيره
سيلانجور قريبه جدا من كوالا ربما 30 دقيقه
وتستطيع السكن في كوالا وزيارة سيلانجور والعوده
واذا رغبت السكن فيها فلتكن ليلتين
ليلتين سيلانجور ثلاث لنكاوي ثلاث بينانج ليلتين كاميرون ثلاث كوالا مع انها قليله في حق كوالا

ماقصروا معك الاخوان
لكن انا عندي وجهة نظر
انت كذا راح تتعب نفسك بالتنقلات الكثيرة يعني يوم سفر وصول ويوم سفر مغادرة
ويمكن يكون وقت سفرك يضيع عليك يوم ع الفاضي
انا عندي 13 ليله مثلك بس بعد معاناة طويلة وسؤال اهل الخبرة داخل وخارج المنتدى غيرت جدولي
وقريت العديد من التقارير واقتنعت
تقسيمي كان
يومين سيلانقور
ثلاثة ايام بينانج
ثلاثة كوالالمبور
يوم بورت ديكسون فيلا بمسبح خاص اروح لها من كوالا تقريبا ساعه بالسيارة
ارجع على كوالالمبور ثلاثة ايام تسوق وازور افاموسا واهم المعالم
واليوم الرابع يوم الرجعه يعني ماراح استفيد منه كثير
وكل شخص له وجهة نظر
واللي مايمديني اروح له السفره هذي سفرة ثانية ان شاءالله
تقبل مروري

النهر الجاري
ابوساره11
ابوفلو
ما قصرتوا ويعطيكم العافية
قررت اختار المناطق التالية
ليلتين سلانجور - براميد
4 ليالي لنكاوي - Tanjung Sanctuary Langkawi
3 ليالي كاميرون - اكواتوريال
4 ليالي كوالا - Mandarin Oriental Hotel Kuala Lumpur
والله يوفق

ليلتين سلانجور - براميد
المده : مناسبه من وجهه نظري
الفندق : مناسب من وجهه نظري بسبب موقعه
وقد يكون افضل بالنسبه لي لو اخترت السكن في وسط كوالالمبور
مع ملاحظه ان المسافه الزمنيه من وسط كوالالمبور الى صن واي في حدود النص ساعه ..
4 ليالي لنكاوي - tanjung sanctuary langkaw
المده : مناسبه من وجهه نظري ..
الفندق : ام معلوماتي قليله عن الفندق المذكور .. لكن الواضح بانه من الفنادق الفخمه والمميزه ..
لكن لدي وجهه نظر وهي توزيع المده على فندقين من باب التنويع والتغيير وتجربه فنادق جديده ( لان فنادق لنكاوي مميزه .. وكل فندق له طابع خاص به يختلف عن الاخر )
مثلا ارشح لك ايضا فندق بلانجي بيش ...
3 ليالي كاميرون - اكواتوريال
للووصول الى كاميرون قادما من لنكاوي :
(1) عن طريق الفيري الى بينانج ( ساعتين ونص ) ثم تكسي او باص الى كاميرون ( 4 سااعات ونص ) =7 ساعات
او
(2) عن طريق الطيران الى بينانج ( نص ساعه ) ثم تكسي او باصب الى كاميرون ( 4 ساعات ونص ) = 5 ساعات
او
(3) عن طريق الفيري الى كوالاكداه او كوالابرليس ( ساعه الا ربع ) ثم تكسي او باص الى كاميرون ( 5ساعات وربع) = 6 ساعات
او
(4) عن طريق الطيران الى كوالالمبور ( ساعه ) ثم تكسي او باص الى كاميرون ( 4 ساعات ونص ) = 5 ساعات ونص )
المده : مناسبه من وجهه نظري وخصوصا انك بتكون قادم من لنكاوي ( يعني بتكون متعب شوي وممكن انك توصل على المغربيه )
الفندق : الكثير يمدحه ويشوفه افضل فندق هناك من حيث الموقع ..
اما لو تبي الافخم فهو فندق كاميرون هايلاند ( انصح فيه )
4 ليالي كوالا - mandarin oriental hotel kuala lumpur
المده : مناسبه ..
الفندق : ما عليه كلام .. بس غولي شوي
ممكن انك تسكن بالفندق الجار وهو ( تريدرز ) برضه فخم .. بس خذ غرفه مطله على الحديقه ..