مساء الخير للجميع،بقولكم مشكلتي واتنمى الي عنده حل يفيدني والي ماعنده حل ياخذها عبره او درس اذا فكر يروح لقوانزو
سافرت لقوانزوا وكل شي حلو وتمام وانبسطنا (بعدين اكتب تفاصيل زيارتي )
واليوم الي فيه رحلتي للرياض يوم الرجعه / / واول ماصحيت الصباح الا والمترجم يكلمنا ويقول لنا عن طريقه الوزن الزايد لان احنا سالناه اذا يعرف احد بالمطار؟ ممكن انه يمشينه لو كان وزن زايد؟؟ احنا اربعه اشخاص وكانت ويانه قطعه.
قال تري في المطار راح تدفعون مرتيت!!! طريبه المطار والخطوط !!
وفكرنا فيها ماهان علينه ان ندفع دبل قلنا احسن شي ناخذ كل واحد شنطه والباقي ع الشحن ومتى ماوصل قالوا اوكي
وانا ووحده اخذنا شنطه والثنتين قالوا ماراح ناخذ مو ضروري ،يوم دخلنا المطار دفعنا ع الكيلو ايوانا ع الكيلو وبالشحن مادفعنا لان مسموح لنا كيلو .
وطلعنا ع الرحله ووصلنا بالسلامه ..
مو هني المشكله !!!!المشكله بمكتب الشحن شلون ؟؟؟
اخذ المترجم الجناط وراح للمكتب وحسبوا الكيلو حلو ، وقالوا وزنكم كيلو (هذي مشكوكه بامرها )قلنا طيب ودفعنا رممبي = دولار
ويوم وصلنا لمطار الرياض ومن باجر كلمنا المترجم وقال ان مكتب الشحن يقول ان بيصادر الماركات المقلده (واحنا اصلا مافي شي تقليد ولا شرينه منهم شي )هذي ملابسنا وامتعتنا الشخصيه ،وحتى العطور بيصادرونهم
تخيلوا منو عنده حل يقولي بسرعه بليز