اهلا بك اخي بين اخوانك في العرب المسافرون وانت بخير اخوي وصحة وسلامه.
بالنسبة لاستفساراتك بجابوك على اللي اعرفه.
بالنسبة للترانزيت اذا كان الترانزيت طويل فيفضل ان تكون معاك شنطة صغيرة لليد يكون فيها بعض الملابس اللي تحتاجها واغراضك الاخرى. اما الشنطة الكبيرة اشحنها مره وحده من السعودية واطلب انك تستملها بنيوزلندا. وبالنسبة لمطار دبي اكيد بيختمون على جوازك ختم دخول بعدها ابحث عن الكاونتر اللي تقص البرودنق حق الحلة الثانية. لاتخاف كل الامور سهالات وانا اخوك ومابه شئ يحتاج كل ذا الخوف.
اما تفتيش الجهاز بتكلم عن نفسي مافتشوه ولا شي لكن بيفدونك الاخوان كمان.
عاد لا وصلت بالسلامة اذا معك قبولك وعارف السكن والاكيد بيكون مع عائلة قلهم الصدق وعهم الاوراق خلهم يشوفونها واذا الاوراق مو معك بسيطة قله جاي سياحه كم يوم وراجع.
كلها سهالات ولاتستصعب شي ثمن يصعب عليك.
الله يوفقك في سفرك ودراستك ودعواتك لنا.

بسم الله
أخوي بالنسبه للشناط ، انت شاحنها ل اوكلاند
خلاص لا عاد تشيل همها ، ولا تفكر فيها الا اذا وصلت اوكلاند .. تلقائيا بتلقاها قدامك
ومن ناحية قص البوردنق ، تقدر تقص البوردقين الثنين ، من المطار الاول اللي بتسافر منه
اطلبه قول ابي البوردق حق السفره كلها ( انا سويتها )
وسالفة التمر سهالات ان شاء الله
انا دخلت ومعي كيسين مكنوز .. تمر .. ولا قالوا لي شئ ( مع العلم اني علمتهم عنه وقالوا عادي دامه مكنوز )
اماا البندول فما انصحك ، لان الادويه دايم عليها قلق
جهاز الكمبيوتر .. انا واعرف 10 شباب سعوديين ، كلهم مافتشو كمبيوتراتهم
بس على كلام الشباب يقولون فيه ناس تصادرت كمبيوتراتهم .. بس عني ماسمعت شئ ( والعلم عند الله )
اخوي اول ماتوصل (( اذا معاك اوراق المعهد وعنوان المعهد )) قوله دراسه
اذا ماعندك شئ ، قوله جاي دراسه بس باقي ما اخترت معهد .
انا كل اللي جو معي وكل اللي اعرفهم نفس السالفه
وفي موضوع في موقع العرب المسافرون ، ومسوين تصويت وش الاحسن سياحه ولا دراسه
والكل تقريبا اجمع على دراسه
اتمنى ان كلامي يوفي كل متطلباتك
واذا تامر بشئ ثاني .. انا بالخدمه ( اخوك في نيوزيلندا )

وعليكم السلام ورحمة الله وبركاته
وأنت بخير إن شاء الله
بالنسبة لترانزيت في دبي بالنسبة لشنط استلمها ولا تروح لطيارة اللي ابسافر بها لأوكلاند
إذا كنت ترانزيت في دبي فالشنطه تستلمها في أوكلاند . . وأكتب عنوانك فالسعوديه أو في أوكلاند عشان إذا صارشئ يوصلونها لك
هل اذا وصلت الى مطار دبي هل موظف الجوازات يختم على الجواز ثم اروح وقص بوردنق ثم اروح لصالة المغادرة ولا ابقى في صالة الوصول و هي نفس صالة المغادرة (اول مرة اروح بطيارة)
تروح لصالة المغادره . . أسأل الموظفين عن رحلتك الجايه
اما الاستفسار الثاني هل اقدر اخذ معي التمر (مكنوز) وايضا البندول (تراني خايف اول مره اسافر للخارج)
ما أضن فيه مشكله بس للحيطه ياليت يكون عليه تاريخ الإنتهاء
وبالنسبة لجهاز الكمبيوتر هل يصير له تفتيش تخبرون اجهزتنا كلها برامج ولا واحد اصلي
توكل على الله وما فيه تفتيش على حسب تجارب الأخوان
(انا رايح ادرس لغة ابروح طبعا على زيارة) واذا وصلت بمشيئة الله واذا سألني موظف الجوازات وش جابك لديرتنا وش اقول له (اريد جواب من جرب)
هنا موضوع يتحدث عن هذا الأمر
https://artravelers.com/p/re/374294

• - - -

بما أنها أول مره حاول أنك تمشي مع أي واحد سعودي أو خليجي رايح معك على الرحله
وياليت تسأل تجارب القريبين منك عن رحلاتهم وطريقة التعامل فالمطارات
وإذا بغيت شئ نحن فالخدمه ولاتحرمنا من دعواتك
تحيتي‘ . . لك وتوصل بالسلامه إن شاء الله

ياخيو عادي بنسبه لشنطه هم يحطون استكر على جوازك يقول فيه ان شنطك بتوصل معك نيوز لندا اوردي
واذا صولت هناك نيوز لندا قلهم هوليدي يعني اجازه عندي واذا سألك تعرف احد هناك قله ايه او لا زي ماتبي واذا كنت تعرف احد فعلاً عطه عنوان السكن
ويارجال امورك زينه ولا تاخف ولا شي صدقني الاوضاع مره سهله
وبنسبه للأكل عادي بس حطه بشنطه الكبيره وعادي
وان شاء الله تنبسط بس نصيحتي لك خذ لك هدايا من ديرتك عشان اذا رحت هناك تقدر تهدي الناس الي تحبهم
وكثر من الكتب السعوديه وخذلك قران مترجم بعدة لغات لا اوصيك

وعليكم السلام ورحمة الله وبركاته
ما قصروا الأعضاء جزاهم الله خير
اللي ودي أقوله أنه أهم شي بالمطار أنك تعرف من وين تقص البوردنق (من كاونتر الخطوط اللي رايح عليها) وبعدها تساهيل
لأن كل المعلومات تكون فيه .. حتى لو ضعت بالبوابة أو المبنى اسأل أي أحد بيدلك
بالنسبة للشنطة زي ما قالوا الأخوان أنت اطلب منهم أن الاستلام يكون في أوكلند .. أريح لك

• |

النصايح واجد لكن أهمها أنك تحط ببالك دايم أنك تعكس صورة بلدك وقبلها دينك .. فإما تشوهها أو تحسنها .. وأن شاء الله أنك من الثانين
ولا تنسانا من التقرير
موفّق يالغالي

والله اني مستحي منكم ولكن لا اقول الا الله يرزقكم كل خير في دينكم ودنياكم
مشكورين وبارك الله فيكم ونفع بكم

أخوي أنآ عندي كم نصيحه لك
أول شي ألبس بنطلون مرن < يعني مو جينز
ويكون فيه مخابي كثيره < للجواز والجوال
الجواز خله بجيبك لأنه ممكن تضيع النطة الي معطك فمالها سنع يضيع الجواز
ولا تلبس شي ثقيل مره
وخذ معط شنطة كتف وحط فيهآ فنيله ثقيلة أو جاكيت < لآنه يمكن تبرد بالرحلة

مشكور اخوي بارك الله فيك