وعليكم السلام ورحمة الله وبركاته ..

• طبعا أنصحك بماليزيا

لأنك سبق وزرت انونيسيا
وثانيا ماليزيا تتفوق على اندونيسيا في أمور كثيرة وخصوصا للعوايل
وفيها تطور وتنوع كبير في جميع المجالات ..

• نعم مدة 12 يوم تكفي لهذه المناطق الثلاث بالراحة
• أقترح عليك يكون جدولك : 2 سيلانجور , 3 لنكاوي , 3 بينانغ , 4 كوالا ..
• التنقل بين كوالا ولنكاوي يكون طيران وبين لنكاوي وبينانغ ممكن طيران أو بحر بالعبارة

لكن الطيران أفضل وأريح وأسرع

• الميزانية فيها تفصيل ..

المصروف اليومي كمتوسط صرف من 500 إلى 600 بما انكم شخصين وطفل
ويعتمد حسب نشاطاتكم اليومية وطريقتكم في الصرف
بالنسبة للفنادق أيضا تعتمد حسب رغبتك هل تفضل فنادق 5 نجوم وفخمة أو متوسطة أو اقتصادية
ياليت تحدد نوع الفنادق وراح نفيدك فيها بإذن الله ..
تحياتي وتمنياتي برحلة سعيدة ..
أختك .. شموخ

1. انصحك بماليزيا طبعا

انصحك بماليزيا طبعا

الذهاب الى لنكاوي لازم طائرة او باخرة .. الباخرة او العبّارة تجربة ممتعة , لكن ممكن تتبهدلون عشان الطفل اللي معكم
اقترح انك تضيف لجدولك مرتفعات كاميرون و تجلس فيها يومين كاميرون جوها اجمل من باقي المناطق و منطقة ريفية و مساحات خضرا , ابتعاد عن صخب المدينة الى الحياة الطبيعية والبسيطة ,, و تلغي سلانقور اللي ليس فيها سوى مدينة ألعاب تستطيع ان تذهب لها من العاصمة فطريقها نصف ساعة فقط .. بالتالي تجعل لك اول يوم استراحة في كوالا .. ثم تعود لها في آخر 4 ايام
خلني اعطيك حد ادني و أعلى للصرفية .. اذا كنت شخص اقتصادي و راعي توفير و راح تاخذ فنادق جيدة ورخيصة فئة 3 نجوم
يكفيك انت والمدام طيران وكل شي كل السفرة .. ممكن 18 ألف .. هذع لشخصين من دون التسوق اللي يختلف من شخص لآخر.. طبعا مدري الطفل رضيع ؟او ولد ينحسب في كل شي وله صرفيه ايضا ؟!
لو راح توسع صدرك و تصرف و تاخذ فنادق ممتازة ممكن توصل التكلفة الى 30 ألف لكل شيء
انا تو راجع قبل اسبوع مع شباب .. و كان صرفي لوحدي مع طيران و سكن و كل شي 7500 .. و الهدايا و التسوق 2500
و وسعنا صدورنا و خذنا فنادق ممتازة جدا, لكن نعرف كيف نصرف و مانخلي احد يخدعنا
شوف تقارير الاعضاء .. وهذا تقريري لو تبي تطّلع عليه
انا مثل عدد ايامك 12 .. تعال تفرج
التقرير بتشوفه في بوابة ماليزيا العامة مو في التقارير , تو منزله الموضوع فرش بتلقاه اول شي
اسمه : زبدة ماليزيا من طقطق للسلام عليكم - تقرير 2014
>> مو قادر احط رابط

ما شاءالله الاخوان ما قصرو
ماليزيا يوجد بها مناطق سياحية كثيره وبرامج متعددة
كان سعرها في في الفنادق والمشتريات ارخص واللحين شوي صارات غالية
بسبب سواح الخليج والعرب
تحياتي

شهر 8 هجري بوافق اجازة مدارس في ماليزيا
انا حاجز في نفس الشهر والله يعين بس

طيب ياخوان عندنا واحد بالدوام يقول التنقل بالباص رهيب بين كوالا وببيينغ لنكاوي ورخيص على كلامه

شكرا لكم من شاركني