شارع المشاه حيوي ودائما فيه حركة ونشاطات صيف او شتاء
ملاهي البراتر احلى ليلا
برج الدانوب وتتعشى فوق فا البرج وتشوف فينا ليلا احلى
روح مجمع كاقران kagran تمشى في محطة كاجران
مطعم اللورد اللي عند الماريوت في ايام الويك اند فيه شيء شبيه با البوفية بس تراه غالي اكلهم

• * من خلال تجربة وخبرة لو عندك استعداد تدفع اكثر شوي غير فندق الانتركونتنتال الى الميرديان او الماريوت..اقرب لشارع المشاه وافخم واحلى

موفق ان شاءالله

حدّي مصر
أشكرك على ردك أخوي حدي مصر
وبالنسبة للفندق .. أنا فكرت أول شي في المريديان .. بس فيه عيبين .. اني بمشي أكثر عشان أوصل لمحطة المترو (حسب ماسمعت) .. والعيب الثاني ان باب الحمام (الله يعزك) شفاف .. وأنا قاعد أحاول في واحد من ربعي انه يجي معاي يخاويني بس هو عليه التذكرة .. فشلت المريديان من بالي
بالنسبة للماريوت .. مافكرت فيه .. لأن دايما على بالي انه بعيد .. بس الحين لما شفته في Google Maps لقيت انه يطل على الحديقة Stadtpark
في النهاية كنت حاط احتمالين .. اما هيلتون فيينا او الانتركونتيننتال .. بس اخترت الانتر مع انه اغلى لأن عندي بطاقة Priority Club البلاتينية .. ومتأمل يرفعون الغرفة لشي محترم

The Watcher
شوف الميرديان اربع او خمس خطوات من محطة المترو هذا اولا وثانيا مو كل غرف الميرديان الحمام شفاف , الاغلبية مو شفاف
بس فكر با الماريوت وبتدعي لي احسن من الانتر بكثير واذا مصر على الانتر خذ غرفة اعلى من العادية لان العاديه متواضعه جدا
موفق ان شاءالله