للتو وصلني خبر ان 8 ايام كثيره في كييف فقط .. لان باقي الاماكن السياحيه يستخدمون لها القطار او الطائره
ويفضل المبيت فيها
شرايكم اخليها 6 ايام في كييف و 6 في اسطنبول ؟
والله مو قادره اخطط صح
وانا اقدر اغير حجوزاتي والتواريخ كلها عن طريق مكتب السفريات
ان ممكن اجدد او اكنسل الحجز
احدد 8 ايام في كييف واتوكل على الله ؟
ولا احدد 6 واذا كانت الامور طيبه امددها يومين؟
وهذا يعتمد على السياحة الموجودة

السلام عليكم ورحمة الله وبركاته
بالنسبة للخطوط الارخص هي فلاي دبي او العربية
التركية اغلى بواجد
لكن دامك بتروحين اسطنبول فهذا شي ثاني
كييف مافيها اماكن كثيرة للتصوير يعني هناك قلاع وكنائس قديمة وشارع الخريشاتك وقوس السلام ونهر الدينبر
بالنسبة للسكن اقري تقريري زين اناا سكنت في فندق بخارى اكورد وهو عبارة عن باخرة عائمة في نهر الدينبر وسعره في الليلة تقريبا 400 ريال وقريب من السنتر تركبين القطار من حديقة البارك وثالث محطة يجيك شارع الخرياشتيك المهم اللي فيه كل شي او تسكنين مباشرة في شارع الخرياشتيك في فندق خريشاتيك لكن تاخذين الغرفة الديلوكس وتكونين بوسط البلد
في اليوم الثالث تحجزين بالنت عن طريق الفيزا على الطيران الاوكراني الى مطار سمفروبل وتروحين جمهورية القرم ذاتية الحكم ومن مطار سمفروبل الى يالطا حوالي ساعة بالتكسي وتاخذين تكسي من المطار سمفروبل الى يالطا وتسكنين في فندق اورياندو على شاطي يالطا وفي يالطا كوشكات صغيرة توديك جولات سياحية مع جروب رخيصة جدا وكل يوم مكان يوم خليج بالكلافا ويوم مدينة بخش السرايا ويوم جبل الدب ويوم الساحل الشرقي ويوم جبل كوستال ولان الاماكن السياحية بالقرم اكثر بكثير عن كييف
وتقدرين تشوفين التقرير لانه مفصل جدا جدا جدا
واي استفسار ثاني انا حاضر

الانسياب المتزن
ولو أنني أوتيت كل بلاغة وأفنيت بحر النطق في النظم والنثر
لما كنت بعد القول إلا مقصرا ومعترفا بالعجز عن واجب الشكر