1. مرحبا لكل الموجودين و لكل الاعضاء


2. اما بالنسبة لدزني لاند فعندي كتير اسئلة


3. نجي للامان هل تعتبر فرنسا امنة و لا لا ؟

مرحبا لكل الموجودين و لكل الاعضاء

كل عام و انتم بخير بمناسبة السنه الجديدة ، ان شاء الله تكون سنه حلوة عليكم يا رب المهم عندي بعض الاستفسارات عن فرنسا
اولا انا حابة اسافر لفرنسا انا وماما بس اكيد ما رح اقدر اسافر لحالي لأنو ما بعرف البلد منيح لأنو اول مرة بسافر فهل السفر مع قروب منيح و لا لا ؟ حدا جرب قروبات من قبل و لا لا ؟ انا ما بدي تعطوني اسماء قروبات لأني بعرف قوانين المنتدى بس بينفع السفر مع قروب ؟ يعني امان و لا لا ؟ حلو السفر مع القروب و لا لا ؟
ثاني شي مدة سفري يمكن حتكون اسبوع او 10 ايام ، فشو هن المدن المهمه الي لازم روح عليها ؟ طبعا باريس اكيد رح روح عليها بس كمان مدينة على الاقل او مدينتين ؟
ثالث شي الريف الفرنسي بينفع روح عليه مثلا يوم واحد بس و لا لازم نام فيه ؟
هل يوجد بباريس او بكان او بالريف الفرنسي رياضة ال sky daiving رجاء اذا فيه قول لي ؟

اما بالنسبة لدزني لاند فعندي كتير اسئلة

بدي افهم انا كل جزء بدزني لاند انا قرات بعض التقارير و لقيت انو دزني لاند مقسمة ثلاثة اقسام الي هي الاستديو و الحديقة و الفيلج بدي اعرف اي منهم ممكن فيه الواحد يتصور مع شخصيات دزني لأنو كتير حابة اتصور مع شخصيات دزني
و طبعا العب بالعاب دزني
كمان بدي اعرف الاسعار تبع كل قسم و لو فيه شوية شرح عن المدينة و يكون شرح مفهوم لأنو و الله حاولت افهم شوي بالتقارير ما كتير كانت واضحه المعلومات عن دزني فيا ريت توضحولي بتكون عملت خير فيني
نجي للميزانية كم بكفينا انا و ماما ميزانية ( بالريال السعودي ) طبعا اكيد ما رح نشتري هدايا لأنو غالية باريس فما بدي ضيع المصاري على هدايا

نجي للامان هل تعتبر فرنسا امنة و لا لا ؟

النظافة موجودة و لا لا ؟ انا سمعت انو مو كتير نظيفة باريس و عموم اوربا بشكل عام مو نظيفة هل هاد الكلام صحيح ؟و تسلمولي ورجاء حالو لو تجاوبو على شوية اسئلة لأنو عن جد حالتي مصتعصية و بدي اقنع بابا انو يسفرني انا و ماما بليز ساعدوني
اووه صحيح نسيت اسال عن شي مهم بالنسبة الي
هل توجد دار للاوبرا ممكن احضر فيها اوبرا لأنو كتير بحب اغاني الاوبرا و مسرحياتها و اذا في رجاء تقولي على الاسعار و كيف ممكن احجز لها