ليش ياحافظ محد رد علي

shahrazad30
هلا ومرحبا أخوي
في البداية طبعا انا للحين مازرت اليابان ولكن راح أزورها قريبا ان شاء الله
بس قلت خلني اعطيك كم معلومه عن الفندق وممكن الاخوان يضيفون لك اكثر بعدين ..
المهم بالنسبة للفندق فيما يبدو ان "آراء الناس" عن جيدة جداً مثل ما شفت في الانترنت .. وبعد البحث أعتقد الفندق يقع في منطقة آيكي بكورو .... من أهم ماتتميز به منطقة / آيكي بكورو هو إحتواءها على أكبر مركزين للتسوق في طوكيو وهما / توبو Tobu + سايبو Seibu .. وبإمكانك الرجوع لموضوع الأخ العزيز QJQ لمزيد من المعلومات عن هالمنطقة في هالصفحات التاليه:




وبعدين هالمنطقة تعتبر من المناطقة الحيوية وكذالك قريبة من المناطق الشهيرة شيبويا وشينجكو! ومع القطارات ماراح تكون حياتك صعبه ابد ان شاء الله
وبالنسبة لأفضل وقت لزيارة اليابان .. أعتقد تقد تدخل موضوع مشرفنا لتعرف درجات الحرارة في أشهر السنة:
https://artravelers.com/p/re/339595
وإن كت انصحك في شهر 4 لأنه الربيع وموسم تفتح الازهار الجميلة
أتمنى أكون وُفقت في اعطاءك بعض الاجابات الخفيفه وان شاء الله أهل الخبرة يفيدونك أكثر
نصيحة أخيرة أخوي: لو تقرا 3 مواضيع موجودة في المنتدى عن اليابان .. راح تعرف 85% من المعلومات اللي تحتاجها ان شاء الله .. وبعدين في مواضيع اخرى للاستفسارات

مشكور وايد اخوي jo على هالمعلومات لقيمه الظاهر باخذك معاي مرشد سياحي حق اليابان
صج صج ماقصرت ومشكور للمرة الثانية

بالنسبة لي فان افضل وقت لزيارة اليابان هو نهاية مارس الى نصف ابريل ولكن حاولي ان تتاكدي متى سوف تتفتح اوراق الكرز لانها اجمل شيء في فصل الربيع وللاسف تستمر لمدة اسبوع تقريبا
اما بالنسبة لشهر يوليو لانصح فيه ابدا لانه يعتبر موسم امطار يعني ممكن كل يوم مطر وعواصف
الموسم الاخر هو فصل الخريف وافضل وقت يكون في منتصف اكتوبر وهو فصل جدا جميل في اليابان

بالنسبة للوقت الافضل لزيارة طوكيو ياشهرزاد عليك بشهر اربعة لما تكون
اشجار ساكورة منطرها زوين بالزاف او كيف ماقال الاخ منتصف
اكتوبر يكون الجو روعة اما بالنسبة لاماكن التسوق كثيرة وراح تحتاجيين القطار للتنقل
ولا تنسي تروحي فالويك اند ل shibuya راح تشوفي عالم غير شباب لبس خطير وعجيب
كانك فهالووين بارتي اما مول شيبويا 109مصيبة خطير ملابس وموضة الصراحة
فالمستوى لاكن الي مزانيتو ماتكفي راح يبكي قدام المول ههه
المهم وجنبها في ستار باكس موقعها فوق خطير راح تشوفين منها منظر عجيب
لاكن دايما زحمة بزاف واي سوال من عيوني وعرضت لك صور اتمنا تظهر وطبعا في اماكن كتيرة
ماحكيت عنها لان ماراح اخلص لك هدا طبعا جزء بسيط جدا من طوكيو

مبيته النيه من يناير @@
ماشالله عليج والله مزاج شهروزه
من يناير وانتي مجابله هالموضوع عدل
انا من اول مارس وتقريبا شبه عرفت الديره وشكلي بغير من كثر ما تحريت عنها لوول
المفروض انا اللي اسألج مو انتي

اي اسال واعرف وليلحين محتاره وكل شوي اغير رايي
مامني فايده ابدا

أرشحلج فندق century southern tower سكنت فيه يوم سرنا شهر 2 وموقعه ممتاز
شوفي الموقع
http://www.southerntower.co.jp/english/

مترو بولتان؟؟؟ طيب اي واحد في عدة مناطق يتواجد هذة الفندق انا اسكن بقرب الفندق في اكي بوكرو ... اذا كان في اكي بوكرو اذن انتي محظوظة.. لقربة من المحطة الضخمة محطة اكيبوكرو و اسواقها ايضا