السلام عليكم
هذا تقرير عملته عن دبي
بقوولكم كل شي بالتفصييل ون شاء الله يعجبكم
واي احد عنده أي سؤال انا جاهزة
انا جلست فيها انا وامي وابوي واخواني الله يخليهم لي جلسنا 7 ايام في دبي
ام رحنا بطيران العربية سعرهم للشخص تقريبا 1020 ريال وطيران رائع وحلو وكامل والحمدالله عجبني وتوقيتهم تماام مرره الحمدالله
طبعاا الاقلاع كان 3ونص العصر ووصلنا الحمدالله بالسلامه الساعه 6 للشارقة
وهذي صور مطار جده والطيارة
وهذي حلوياتي انا واختي بالطيارة
ولما وصلنا اخذنا وحده من التكاسي وكانت السواقه حرمه
واحذركم من الحريم السوااقاات ترااهم متعبات جداا لانو المفروض توصلنا لدبي ب 80 درهم لكنها وصلتنا ب140 لانها لفت فينا كل دبي الخبله
تعبتنا ووصلتنا على دبي متأخر وتعبتنا في تدوير الفندق وماعرفته وجلست تسأل الفنادق ووماوصلنا الفندق الى الساعه 10ونص وتخاصمنا معها
الفندق اسمه جراند ميدويست تاور شقق فندقيه اخذنا غرفتين وصاله اليوم ب1100ريال
رائع جدا من حيث النظافه لانو جديد وخدمتهم حلوة لكن اذا جيت تتصل عليهم بالقوة يردون
فيه مطعم وصالون ومسبح ونادي وانترنت الساعه ب20درهم واليوم ب100 درهم
وفيه فرن ومكرويف ومكواه وغساله وقدور واواني ووكل شي بس لازم تاخذون معكم قسام حق الفياش لانو مايركب الا فيه وثلاث تلفزيونات فيه بكل غرفة تلفزيون وثلاث حمامات بكل غرفة حمام
طبعا الفندق بين المارينا مول والامارات مول وقريب منهم
وقريب من برج العرب يعني تشوفونه من البلكونه ومن مرسى دبي ووجزيرة النخله
وطبعا انا صورته بس للأسف والله مدري وين الصور اختقت من اللاب توب
بس هذي الصورة اللي لقيتها باقيه
وهذي كم صورة اخذتها من النت له وترااها صحيحه
وثاني يوم قمنا الصباح الساعه 9 وافطرنا وخرجنا على ابن بطوطه
هو سوق حلو ومركز رائع فيه ماركاات حلوة ومعروفة والسوق كبير شوي وفيه جميع المحلات وسوبر ماركت اعتقد جيان ومطاعم وسينماا وكل شي
يعني صرااحه انا حبيته مره
وطبعاا فيه مساحات للصين ومصر وبلاد فارس وتونس وومدري وش بعد
بس المساحات يعني الديكورات حقة المساحه تكون على نفس الدوله
وفيه مجسمات على شكل ابن بطوطه ومكتوب رحلاته
وبس
وهذي صور ابن بطوطه
هذي الملاهي اللي فيه
وهذي احد نوافيره واللي واقف خيو الله يصلحه مو راضي يبعد
وهذا جيان موجود فيه
وهذا محل شنط باريس هيلتون مرره يجنن واسعارهم مو غاليه روعه
وهذي الساحات وديكوراتها
هذي سفينه مدري وش قصتها بجهة الصين وجمبها ناس صينيين يرقصون ويسوون رياضه للعالم ماادري ليش
وهذا مطعم تغديناا فيه مره رائع اكله وحلو
وهذا مجسم شكل ومكتوب جمبه رحلاته ابن بطوطه
وهذا محل فيه كراسي غرف وفرش سرير يجنن مره عجبني المحل
هذي مجسم برج العرب يبيعها احد الكشكات
وهذا خارج المركز
برب