السلام عليكم
حياك الله يا غالي
بناءً على تفضيلاتك للأماكن
أقترح عليك التالي
2 ليلة صن واي لاقون بيرمايد
السفر بالطيران الاقتصادي إلى لانكاوي
3 ليلة فندق لانكاوي لاقون
العودة إلى كوالالمبور بنفس الطيران
2 ليلة ماريوت بشارع العرب أو استانا أو تايم سكوير
السفر بالباص الفاخر إلى مرتفعات الكاميرون 2 ليلة
العودة بنفس الباص إلى كوالالمبور
الذهاب من محطة الباصات مع باص جنتنق المخفض
2 ليلة جنتنق فندق فرست وورلد غرفة كلوب
العودة بالباص كذلك إلى كوالالمبور
وقضاء بقية الليالي في فندق تريدرز
طبعاً الأفضل تحجز عن طريق الإنترنت
راجع هذا الموضوع :
https://artravelers.com/p/re/163276
وأنصحك باستخراج بطاقة ماستر كارد الاهلي مسبقة الدفع
سهلة وسريعة ولا تتطلب أي شروط معقدة
وتودع أنت المبلغ الذي تريده لإتمام عمليات الحجز بواسطتها

• -

تقريبا كان السفر في نفس توقيتك لكن العام الماضي
https://artravelers.com/p/re/124864
ممكن يفيدك هالرابط

اخوي مهند انا شاكر اهتمامك وعسى الله يوفقك حبيبي
غريبه ماشفتك طريت بينانق .. وغير كذا ماقلتلي هل العشرين كافيه او لا ؟
وعلى فكره اخوي مهند هل تنصح ابدا بالحجز من الحين خصوصا وانا رايح بهاي سيزن ؟
ردك بسرعه اخوي مهند يساعدني كثير..
بيض الله وجهك

Dainty
الله يرحم والديك والرابط فادني كثير

الأخوان ماقصروا بس بيجيك الصقر الحين ويبرد كبدك

عشرين الف غير كافيه
راجع حسابتك ،،،

kha1id
حياك الله أخوي خالد
بينانق ما طريتها لأنها ما تناسب رغبتك الشخصية بأماكن رومنسية وهادئة
ولو رحتها بتزاحم عليك وقتك وأنا أنصح فيها للي وقته أطول
لكن إذا حاب تضمنها برنامج ممكن نلغي جنتنق وتزورها يوم وترجع بالليل
يصير البرنامج
2 ليلة صن واي بيرمايد
3 ليلة لانكاوي - لاقون
3 ليلة بينانق - بي فيو يبتش
2 ليلة الكاميرون - ( فيه فندق جديد ما أذكر اسمه )
بقية الليالي في تريدرز وإذا تحب تزور جنتنق من كوالالمبور وترجع
العشرين كافية إن شاء الله مع تقنين المصروفات واختيار غرفة أرخص
إذا كنت حجزت الطيران ومتأكد من موعد الرحلة
الأفضل تحجز الفنادق قبل الرحلة ب 4 أشهر على الأقل

• -

طبعا الاخوان ما قصروا وخصوصا مشرفنا الغالي الاخ مهند الذي كفى ووفى ،،، ولكن بادلو بدلوي لعلي اكون من الفائزين المستحقين لدعوه من القلب..
وانتهزها فرصه لاشكر اخي حوطه بني تميم على مشاعره الطيبه ،، وآمل ان اكون عند حسن الظن.حبيبي .. انت عندك 20 الف ريال وتبغاها في 14 ليله شامله كل شي ............ ( نحسب مع بعض )

• تكلفه تذاكر الطيران: 7000 ريال تقريبا.
• مصروف يومي تقريبي: 350 ريال تقريبا. ( 350*14=4900 ريال )
• تكلفه مواصلات بين المدن ( سفر ): 1000 ريال تقريبا
• مبلغ احتياطي: اقل شي لازم يكون معك 2000 ريال.

صار المجموع: 7000+4900+1000+2000= 14900 ريال ....... خلينا نقول 15000 ريال.
اذاً الباقي من المبلغ الاساسي هو مبلغ 5 الالاف ريال وهذا هو للفنادق ،،،، علشان كذا لازم تختار فنادقك مما يتناسب مع مبلغ 5 الالاف ريال. ( ترى مو لازم تختار فنادق غاليه،،،،،،، ولو اخترت فنادق 4 نجوم ان شاء الله يكفيك المبلغ)
اتمنى ان اكون قد وفقت في مساعدتك ولو بالقليل حتى انال شيئا من دعواتكم.

حوطة بني تميم
فيك وفيهم الخير اخوي
دولي9
يجيب الله خير ان شاء الله
مهند (وردتين)
انا عاجز عن الشكر والله يرحم والديك عن النار اخوي