مووودا
30-06-2022 - 09:09 pm
السلام عليكم ورحمة الله وبركاته..
كيفكم ان شاءالله بخير ..
هذي اول مشاركه لي في المنتدى واشكر كل القاىمين على هالمنتدى الاكثر من راىع..
بدخل بالموضوع على طول..
حبيت اسال اهل الخبره في اسطنبول خصوصا
انا بسافر في شهر فبراير لاسطنبول مدة الرحله 6 ايام باذن الله تعالى
مانبي نطلع برا اسطنبول
انا رحت لها يمكن مرتين قبل وكنت كل مره اتنقل وكنا نستاجر سياره طول الرحله لذا ماحفظ طريقة التنقل والوصول الا الاماكن اللي ابيها
ثاني شي كل مره ارح نزور نفس الاماكن السياحيه ..
هالمره ابي اماكن جديده مثل شارع يكون مشابه لزحمة شارع تقسيم
مناطق بها مناظر طبيعيه
اماكن راقيه وحلوه
كافيهات ومطاعم مثل الاماكن اللي يتم فيها تصوير المسلسلات او الكليبات تكون حلوه
وابي اعرف كيف نطلع لرحله بالباخره اللي يكون فيها فقرات وتكون راقيه فترة المساء
وكيف اوصل للجزء الاسيوي وابي اعرف كيف الوصول الى شارع بغداد
واماكن حلوه بعد نفس سالفة الجزء الاوربي
اما اسياء الصغرى وتل العراىس مابي اروحلهم لاني ماحبيتهم ابد
وكيفية الوصول اللى هذي المناطق..كاديكوي....شارع باكركوي..تلة بيرولني التي تطل على الخليج العربي..
وابي اسم الشارع اللي كان فيه قصر مسلسل العشق الممنوع كان شارع رائع جدا
واسفه على الاطاله والاسئله الكثيره...
الرحله لشخصين ..انا وزوجي
ولكم جزيل الشكر ...
ثاني شي سوي جدول للرحله مثلا اول يوم تروحون ايا صوفيا ومسجد السلطان احمد وقصر توبكاي كلهم جنب بعض في منطقة السلطان احمد
ثاني يوم روحي جوله في البسفور من ميناء امينونو على ما اعتقد لانه كابتاش للجزر فقط
ثالث يوم روح برج غلاطه
ورابع يوم روحو قصر دولما بهجه
وخامس يوم روحو جواهر مول
واليوم الاخير لابد من زيارة مسجد الفاتح الرائع او سكنو في نفس المنطقه
وبخصوص المطعم عندك مطعم سراي ولا اورع انا من مرتادي فطور - غدا - عشا بالاضافه الى الحلو
http://www.saraymuhallebicisi.com/english/index.htm
بخصوص التنقلات خلوها مترو وترام افضل