بسبوسه بالقشطه
25-05-2022 - 03:04 pm
السلام عليكم ورحمة الله وبركاته
تحيه معطره بالورد والياسمين والجوري
اول شي انا جالسه هاذي الايام اخطط لسفره يعني من عشره الى اربعة عشر يوم للترفيه وتجديد شهر العسل
وصرت كل يوم احوس وادور في البوابات ادور على مكان لاينسى خاصه ان السفرات ماتتكرر دايم
واستوقفتني كثير بوابة فرنسا المناظر والجو وديزني خصوصا جدا رائعة ودخلت مزاجي وحسيت انا باريس متكامله من كل النواحي خاصة انو فيه طفل وراح يستمتع بدزني
صراحه قلبي مره قلبي اتعلق فيها ونفسي اروح
بس فيه مشكله تواجهنا في السفر ان لغتنا الانجليزيه انا وزوجي مش ولابد اخاف نروح هناك ونصير زي الاطرش في الزفه يعني اخاف نضيع
وبرضو في عندي كم استفسار اتمنى تساعدوني ياخبراء فرنسا
1-هل السكن في فنادق الدزني لاند يتيح الدخول للبارك والالعب مجانا ولالاء
2-وكم ممكن تكلفنا ميزانيه الاقامه عشر ايام من سكن في مكان سعر متوسط وتذاكر ومصروف يومي
وسامحوني على الاطاله واتمنى تردوا
المهم ,, من ناحية اللغه ,, يكفيك كلمتين انجليزي و 23 اشاره ,, كذا وصلتي للي تبينه ,,
من ناحية السكن انصحكم ان يكون السكن بالقرب من الشانز ,, و ديزني لاند تقدرون تروحولها و ترجعون بنفس اليوم ,,
السكن فيه الغالي و فيه الرخيص ,, و عموما فيه قريب من الشانز و اسعار معقوله ,,
الميزانيه حطي في بالك السكن من 120 الى 160 يورو ,, و المصروف اليومي من 100 الى 150 يورو ,,
و التذاكر ,, الخطوط السعوديه الحين مسوين عروض خطيره ,, ممكن تكلف التذكره الوحده للشخص من 1800 الى 2000 ريال سعودي ,, و باقي الخطوط بتكون اسعارها الأن معقول بعد موجة الصيف ,,