[ مرحبا بالجميع وحياكم الله على موضوعي المشتمل على تحذيرات وايجابيات وسلبيات الطلعه يوم الخميس في مدينة الرياض قدر الله علينا وحبينا نطلع ونغير جو مثل هالعالم وبعد كرف اسبوع عمل وحر وطبعا الأنطلاقه كانت من منزلنا الى شارع العليا الصابر :112:ومن حين وصلنا لهالشارع اللي اذا جيته احس ماحد في بيته :112:بدت تتزاحم الأفكار والنقاش المعتاد في كل طلعه وين نروحوهذي مشكلتنا اننا ماعندنا تخطيط ويروح ليلك في زحمه وحل للسؤال الصعب اللي هووين نروح صيني لا ملينا منه :36_1_51:طيب الريف اللبناني لا يحقرونك في الأنتظار ويقدرون شلل البنات اللي جايين بدون غطا وأنسى أنك تدخل قبلهم حتى لو جو بعدك بساعه ؟:baaa2:طيب وش الحل؟ نروح لكوفي جديد اسمه قهوة المساء فتح جنب هوليدي العليا مكان دوتشي سابقا؟واخيرا واحنا منطلقين للكوفي طلع صوت من ورا يقول مهيب لحية كوفي ودنا بمطعم لبناني وحمص ومشاوي %:36_9_4:قلت لبناني لبناني ورجعنا:36_7_14: واحنا عارفين ان مافيه مطعم لبناني بيعطينا وجه وبنلقاها زحمه وقلنا نجرب فيروز جاردن في طريق الملك فهد بعد الصالحيهو وصلنا ونزلنا وصقع بابواب السياره ومدرعمين عليه الا ذا اللي واقف على بابه يسأل لو سمحتوا فيه حجزافالازم حجز وقلنا كملت اليوم ورجعنا وركبنا سيارتنا ورجع التصويت :bounce8:طلع صوت جديد يقول وش رايكم نخربها ونروح لابو كمال ونعيد الذكريات وهناك كلنا عيال قريه وانطلقنا ووصلنا ابو كمال وكان انتظار:112:تخيلوا ابو كمال وانتظاروخيره لنا لأن جوه كان ممرض ويصلح لواحد جاي له يومين ماذاق عيشه عشان مايدقق وما جاز لنا الوضع رغم ان الأسعار مغريه لكن الجو مقرف حر وريحة الأكل قويه كأنك داعس خشمك في سيخ شيش طاووق وانحشنا وعلى التحليه وقلنا نقلبها برجر على مطعم فاتح جديد اسمه جوني روكيت وأبشركم دخلنا ولقينا مكان وجلسنا وطلبنا خمسه برجر ومشروب والجلسات كانت مكشوفه يعني لامجال لكشف الغطا وكان زحمه معقوله وازعاج والطلب جانا بسرعه لكن ليته ماجا :116:ياحليل هرفي بس انا لقيت جلد مدري عصب في قطعة الدجاج والببسي بدون غازات يعني ماتقدر تضيع موضوع الطعم وتركنا برجرهم بعد ماتغصبنا على النص ومسكنا الباب بعد مادفعنا 220ريال:118:ياحلاه يانص التيس و وتوته توته خلصت الحتوته طبعا الهدف اني كتبت هو التحذير من طلعة الخميس واذا كان ولا بد وطلعت اقلبها حبة شوايه على احد الارصفه تراه اوفق لأني الى الآن اتذكر ذيك الجلده وتحوم كبدي نسيت أقول لكم بعد مارجعنا لقينا الوالده كابسه مكرونه عليها الكلام وسلطه محترمه لكن هيهات نذوقها لأننا شباعى من البرجر ابو عصب والى اللقاء في خميس مقبل