يالغالية بالشانز بالكافيات الي عليها تحصلين الشيشة مركزة في كل مكان وخاصة الي جنب الماريوت بس الحمد لله زوجي ما يشيش بس هذا الكافي دايم اربيعنا يترززون فيها ويتشوفين الشيشة قدامهم
والله يعافية ويشفيه من هالبلا الي فيه دمار للصحة ومحق للمال
من ناحية برنامج دزني اكيد رائع وحلو والاطفال يستاهلون منا انونسهم
ودزني يبيلها 3 ايام وخاصه انك بالصيف سفرتك
والله يسر امرك يارب

أم سيف76
هلا وغلا أم سيف
آمين الله يسمع منج يارب
بالمناسبة
مريت على تقريرج قبل يومين ووايد استفدت منه وعيبني الماريوت ونظام الفلل بس كبيرة وايد علينا
بغيت أتخبرج ليش خصصتي الأحد للتسوق في ديزني لاند ودليني بالضبط وين سوقهم ؟؟ وعيبتني حركة السترو مال الوجبات عليها شخصيات ديزني هالمطعم وين كان؟؟
وانتوا وين سكنتوا في ديزني؟؟

m1979
صحيح كبير عليكم بس فيه غرفة وصالة لاعضاء ماريوت الاسبوع ب1050 دولار=4000 ريال او درهم بالاسبوع الكامل
وانا جلست اسبوع بالماريوت فيلج جنب دزني وكان الباص يوصلنا من والى دزني بالمجان وتبين الصراحه فيه محلات بدزني عندهم نفس البضاعه الي بالمحل الي جنبه بس السعر اغلى
عشان كذا لازم تلفين وتقارنين بين الاسعار
مثال:
حصلت كوب كبير مرسوم عليه شعار 15 عام لدزني ب5 يورو بعد التخفيض
وفي محل جنبه على طول ماعليه تخفيض ب15 يورو
يعني بسعر واحد تجيب لك 3 اكواب مو قهر
انا مو بخيلة بس ما احب احد يستغلني ولا احب اصير الساذجة الي بس تشري ولا تطل وتقارن بين الاسعار
انتي لو تشوفين اليابانين بالمحلات بالآله الحسابة ويطقطقون فيها ويحسبون السعر بعد التاكس افري وكم تطلع القطعه بعملتهم
مو مثلنا نكسرها بالتقريب ويالله بالستيرة
وخليت سعر الكوب هو نيشاني المحل الي فيه سعر الكوب ب5 يورو هو الي اشري منه
واغلب الاشياء الي شريتها من المخفض من بوجامات دزني جاكيتات شنط مدارس اقلام محافظ ملابس بلايز وجزم اعزك الله
فيه محل كبير وكل شي فيه يكون بعد المدخل في الممر الطويل قبل القصر مال اليس في بلاد العجائب
يكون على يدك اليمين على زاوية بحاول اطلع موقعة بصورة دزني واحطه لك بصراحه فيه كل شي لان فيه محلات متخصصه بس بالادوات المكتبية والالعاب وفيه محلات بجامات واطفال هذا المحل كل شي فيه يعني تبضعي منه وارتاحي وانصحك ما تتبضعين من اول يوم لان راح تطير اعيونك خلي اول يوم تفرج واليوم الثاني تكونين مقررة شو تشتري وتكونين مرتبه تفكيرك وتنسقين لكل ولد او بنت اطقم كامله ومرتبة وترا الاطفال كل بنت استايلها غير انا بناتي الله يحفظهم يارب وحدة بالبنطلون تفشل بس اذا لبستها التنانير القصيرة وتحتها بنتكور والبلوزة علاقي تطلع مرتبة عليه والثانية العكس وهكذا
يعني انتي شوفي اطفالك شنو اللبس الي مرتب عليهم لا تبهرك ملابس عليها صور دزني وتاخذين وبس
لا لازم تشوفين هل اللبس يناسب ولدك او بنتك مثل فيه اولاد البربتوز او الجنز العلاقي احلى عليهم وهكذا والله يعينك يارب ويسر امرك واي خدمة انا جاهزة
طولت عليك بهذرتي

أم سيف76
أنا مثلج بالضبط في سالفة الاقتصاد وفعلاً ليش دفع أكثر على شي متوفر بسعر أقل وبعد ماحب أتسرع أحب أشوف كل اللي معروض عشان يوم أشتري يكون كل شي منوع مب مكرر
لكن المشكلة الكبيرة في زوجي الله يهديه ما يقتنع بفكرة أتفرج أول وبعدين أقرر وأرجع أشتري أصلا ما يدخل نفس المحل مرتين و الأدهى انه ما يدخل المحل إلا لغرض الشراء يعني "دخلتي اشتري وخلصيني لأني مب راد للسوق مرة ثانية" :112:
الله يحفظلج عيالج يارب فعلاً التسوق دوخة راس وخاصة ويا الأطفال
عيالي الحمدلله لأنه أعمارهم متقاربة ما أطلع من السكشن لأنه كلهم يلبسون من 3 إلى 5 ولأنها بنت وحدة يكون لها نصيب الأسد من المشتريات أما الولدين أطقملهم منيوم صغار أسهل لي عشان ما أيلس أدورهم في الزحمة كأنهم فريق مرات حتى البنت ألبسها ألوان مقاربة يطلعون كأنهم توائم وشكلهم ملفت بس أنا غرضي أسهل لي أدورهم عن يضيعون وخاصة انهم بسم الله عليهم حركيين كل دقيقة في مكان
:bounce8:
يعني انتي خليتيه أسبوع ديزني !! ما مليتوا ؟؟؟ يعني خذتوا تذاكر للملاهي ل 3 أيام ولكن قضيتوا فيها أسبوع شكلي بمخمخ الجدول مرة ثانية لول

الباجين وينكم نبغي رايكم