هلا يا غالي
احجز التذاكر الحين مافي وقت وانت رايح على اجازة و موسم كمان
بعدين جيب لنا تفاصيل الحجز ( وصول ماليزيا باي تاريخ و الساعه ) علشان نترتب لك جدول مضبوط
ثانيا فنادق عرسان
سلانجور = الصن واي لاقون
لنكاوي = ميرتوس بلانجي بيتش
كوالا = الماريوت او امبيانا
سعر الضرائب يكون لكل ليله 16% عدى لنكاوي الضرائب فيها معدومه وانما تدفع خدمه 10%
الجدول اليومي اخر شي
بالنسبه للمطار مافي اجاراءت معقده عليك تمشي مع اللوحات العربيه ( الجوازات ) مكتوبه كذا
ولما توصل اعطيه جوازك ممكن تسوي بصمة يد وممكن لا في الحالتين امورك في السليم وسريعه وراح يضرب لك ختم الدخول لا رسوم ولا شي
كرت الدخول الغوه من زمان
تحياتي لك

السلام عليكم ورحمة الله وبركاته
بالمبارك والله يوفقك ويتمم لك بخير في زواجك
بالنسبه للطيران
شوف طيران الامارات
او العمانيه
ولاتنسى تشوف مدة الرحله ومتى وقت الوصول
لان بعض رحلات العمانيه تطول تجلس 14 ساعه او اكثر
ف انتبه لهذا الشي
وانتبه لوقت الوصول
وبالنسبه للجدول اليومي مثل ماقالك الاخ ان شاء الله انك لاحق عليه
الجداول كثيره
والاماكن السياحيه كثيره
وحتى لو مااخذت شي معك
تقدر تروح هناك ويسون لك جدول (مع اني ماانصح بهذا الشي)(بس انت وقتك ضيق ومشغول مع امور زواجك ولا عندك وقت تقرا)
الله يكون في عونك
وبالنسبة للمطارات واجراءاتها سهله ان شاء الله
رح قبل موعد الرحله بساعتين ويمديك تسأل وتعرف كل شي من الموظفين اللي هناك (بس طول بالك معهم)
وبالتوفيق
واستمر معنا على المنتدى خطوه بخطوه
احجز الطيران
وبعدها ينصحونك الشباب بالاماكن السياحيه والمدن الطيبه وكل مدينه وكم يوم يبي لها
وبعدها ينصحونك الشباب ان شاء الله بالفنادق في كل مدينه
وبعدها التنقلات الداخليه وطريقتها
وبعدها ان شاء الله الجدول اليومي
(طبعا انت لو عندك وقت كان كل هذا سويته وهمي عشان تعرف كم بتكلفك الرحله .. اذا شفتها رخيصه تقول اجل انا بزيد على رحلتي كم يوم عشان ازور اماكن اكثر ..)
على العموم بالتوفيق