ليش ما تغير فندق كوالالمبور مادمت بتزورها على
مرتين ، المره الأولى فندق والمره الثانيه فندق ثاني

وعليكم السلام ورحمة الله وبركاته
حيّاك ربي يا عريس ...
والله يوفقك ويتمم أمورك على خير يا غالي
برنامجك ... حوسة كثير مو شوي
يبي له بعض الترتيب عشان ما تتعب في التنقلات طال عمرك ...
ما راح أغير أسماء الفنادق اللي إخترتها ...
لكن بعطي بعض النصائح إن سمحت خلال سردي للبرنامج
ليلتين في منتجع صن واي لاقون ( هذي أوكي ) ...
بعدها طيارة على لنكاوي ... 3 ليال .. في نفس المنتجع ... أو في المنتجع الجديد الدانة ( أنصح به )
https://artravelers.com/p/re/504606
إلى بينانق بالعبارة او الطائرة .... 3 ليال في نفس الفندق أو بارك رويال
بعدها إلى جنتنق ... غرفة كلوب في فرست وورلد .. بالباص طبعا ... ليلتين ...
ثم كوالا ... في نفس الفندق ... 5 ليال بناء على طلبك ... أو في الفندق الخاص بالمعاريس
https://artravelers.com/p/re/605864
والختام ... بهذا المنتجع الجميل والحالم والقريب من المطار وذو المسبح الخاص والساتر
https://artravelers.com/p/re/455764
بالتوفيق

سيلانجور:
اليوم الاول :
1- الوصول للفندق قادما من المطار الدولي واستلام الغرفه ( قد يكون ذلك بوقت العصر )
2- الراحه قليلا بالغرفه ثم النزول لمجمع البرايمد : تمشيه بالمجمع - تناول العشاء
3- الرجوع للغرفه والنوم
اليوم الثاني:
1- الفطور
2- دخول ملاهي صن واي لاقون ( من 11 صباحا الى ان تقنع منها )
3- العصريه : ( فري تايم او وقت حر ) ممكن انك تخليها جلسه بالفندق او تنزل للمجمع او تروح لمدينه بوتراجايا او تروح اي مكان تشوف انه مناسب ...
انا اشوف انك تخليها جلسه بالفندق مع نزول للمجمع ..
4- نوم
اليوم الثالث :
1- فطور
2- تسليم الغرفه
3- التوجه للمطار للسفر الى لنكاوي
لنكاوي :
تابع اليوم الثالث في ماليزيا: ( الاول في لنكاوي )
4- الوصول الى مطار لنكاوي ( يوجد بالمطار مكاتب سياحيه تقدر تحجز منها رحله المانغروف ... انا حجزتها من المطار بسعر 280 ريجنت شامل التوصيل من والى الفندق ... وفي ناس حصلوها بسعر ارخص )
2- الوصول للفندق واستلام الغرفه ( يمكن يكون العصر )
3- ترتاتح شوي ثم تروح تجلس على الشاطي الين المغرب .
4- ترجع للفندق وتنام
اليوم الرابع في ماليزيا : ( الثاني في لنكاوي )
1- فطور
2- تروح رحله المانغروف ( اذا حجزت من المكتب السياحي شامل التوصيل .. هذا يعني هم بيجوك للفندق وياخذوك ومن ثم يرجعوك )
3- اذا رجعت .. ترتاح شوي ثم تروح للتلفريك ( لا تخلي التاكسي ينتظرك .. لان التكاسي هناك متوفره )
4- بعدين ترجع للفندق وتنام
اليوم الخامس في ماليزيا : ( الثالث في لنكاوي )
1- فطور
2- تتفق مع تكسي على جوله ( 4 ساعات او اكثر ... كل 4 ساعات بتكلفك تقريبا 80 الى 120 ريجنت ... وبعدين كل ساعه اضافيه بتكلفك 20 الى 30 ريجنت )
المهم تروح للشلالات اول شي وهي اهم شي بعد المانغروف والتلفريك ...
وبعد الشلالات عندك : حديقه الفواكه ثم مدينه كواه ( ميدان النسر وحديقه لاجندا وبعض المجمعات هناك لو حبيت )
3- ترجع للفندق وتنام
اليوم السادس في ماليزيا
1- فطور
2- تسلم الغرفه وتغادر لنكاوي باتجاه بينانج
3- توصل بينانج وتستلم الغرفه
وبكذا يصير خلصنا من جدول سيلانجور ولنكاوي
وباقي بينانج وكوالالمبور
ان شاء الله الاخوان يفيدونك فيه
واذا عندهم ملاحظات او اضافات على جدول سيلانجور ولنكاوي فهذا افضل علشان يكون عندك تصور اكبر واكثر من رأيي
موفق يالغالي

الله يعطيكم العاغيه اخواني
وشكرن علا مروركم ونصائحكم وحسن التعامل