المواضيع في النت كثيرة في هذا الموضوع والتي تخص الفتيات المقبلات على الزواج ومايحتاجونه من اغراض شخصية وغيرها ، ولكن فيما يخص الشباب والمعاريس الجدد فقلما تجد مثل هالمواضيع ، لذلك اتمنى من الجميع المشاركة والنصح والتوجيهات وكل على حسب خبرته ..
- هل يتخلى الشاب عن اغراضه السابقة ؟
- ماهي أهم الأغراض والاحتياجات للعريس في حياته الجديده ومن أين اشتريها ؟ ( الرياض أو الخبر)
- شنطة السفر لشهر العسل ماذا اضع فيها ؟
- هل تنصحون باصطحاب اللاب توب في شهر العسل ؟
واخيراً ننتظر توجيهاتكم ودعواتكم الصادقة لي ولجميع المقبلين والمقبلات على الزواج
اولا : الف مليون تريلين مبروك >>>متأثره بصدى الملاعب
بارك الله لكما وبارك عليكما وجمع بينكما في خير
ثانيا :
استمتع بكل دقيقه تمر في شهر عسل لأنه شهر لايعوض ابدا
نصائحي لك من خلال ما اعرفه عن تجهيزات الشباب
ينبغي لك تجدد كل ملابسك اغراضك الشخصيه وتختار اماكن مناسبه لشراء احتياجاتك
انا اشف اكثر الشباب عندنا اللي تزوجوا جديد يروحن (للمعيقليه ) بالرياض لأنه فيها كل اغراض الشباب من الملابس الداخليه للعطور للجزم للاكسسوارات الرجاليه ..الخ
والتفصيل الثياب بتركه لاخواني الشباب هم اعرف في هالامور
اهم شيء العطورات
(عطورات الجسم ,, عطور التواليت او المركزه ,,العود)
عطورات الجسم بتحصلها عند محلات بودي شوب اسأل عن المجمعات الرجاليه تجي مع كريمات
العطورات الفرنسيه غيرها بكل محلات العطور عندك (المتنبي على شارع الملك عبدالله جديد لسه مفتوح)
وعندك (المصباح اكبر محل للعطور في المعيقليه الفرع الرئيسي)
انصحك بها المحلين لأن عطوراتهم الماركات الاصليه واسعارها مايرفعونها تجي كماهي في الشركه
لكن احذر من الشركات اللي تنزل ماركات نفسها لكن اسعارها تفوق الخيال فالافضل الاماكن اللي حددتها
وعندك السويلم معروف بالعطور
اما قزاز وبقشان حلوه بس غاليه مره حتلاقيها دبل اللي بالمصباح
وبالنسبة للبيجامات لازم تشتري كم وحده لزوم الكشخه قدام ام العيال مستقبلا ان شاء الله
بتحصلها في محلات بسوق الشعله بالرياض
اما التكميلات والبيجامات الماركات اذا تبي في هالمحلات :
ليلة الرجل
بي اتش اس
نكست
دبنهامز
ماركس سبنسر
وتفصيل الثياب شارع التحليه يغص بها المحلات ولاتنسى مشار اشهر من نار على علم
وبعد شارع الامير سلطان مليان محلات تفصيل ثياب راقيه
اما ترتيب شنطة شهر العسل :
ملابس داخليه تكفي للرحله ,,بيجامتين او ثلاث يكفي ,, تكميلات (بنطلونات 3 والبلايز اكثر 5 او6)واذا تلبس ثياب اكيد لابد من ذلكوايضا الكماليات (منشفة الجسم >>بس احيانا العروس تجيب معها اغراض لزوجها مناشف وعطور وبيجامات بس بتكون في البيت اسألها انت ,,,و مشط الشعر ,كريم الوجه,مزيل العرق ,سبراي جسم , عطرين بس لازم تكون قويه وحلوه عشان ماتنساهم ام العيال الى الابد ويكون افخم عطرين عندك)
والشاحن والسجاده ووجوازاتك واجراءات السفر
ولاتنسى الكاميرا لاجمل اللحظات
وهدية العروس خذ لك وحده واول ما توصلون للغرفه وتروقون قدمها بتكون سربرايز حلو وادعي لي وقتها
اذا كانت الدوله اجنبيه يفضل اخذ شنطة صغيره على الكتف او الخصر لتأمين احتياجاتك فيها
وانصحك لوجه الله لاتأخذ معك لابتوب ولاهم يحزنون لأن العروس تبغى دلع ومايلهيك شيء عنها
واتمنى لك زواج موفق ومنك المال ومنها العيال والف مبارك