السلام عليكم،،، الله يسلمكم انا ياني صداع وانا ابحث هنا وهنا وكل حد يمدح هذي وينتقد هذيواريد حد يرتبلي جدول صح ومرتب بحيث يشمل كل شي !!! ماريد ارد بلادي واقول ياريت رحت هذي وليش طافتني هذيج واقعد اندب حظي في تخطيطي الفاشل!!
يعني جدولنا بإذن الله كالآتي:
من 26مايو إلى 2يونيو بلندن حجزنا 4ايام بثلاث ليالي بفندق مونت كالم وبعدين حجزنا اربع ايام بثلاث ليالي بشيراتون بارك تاور
ومن 2يونيو إلى 12يونيو بباريس حجزنا بفنادق كلها في باريس
من 12 يونيو إلى 17يونيو بسويسرا حجزنا بجنيف فندق واحد
من 17 يونيو إلى 22يونيو بإيطاليا حجزنا بميلان فندق واحد
ومن 22 يونيو إلى 27يونيو بالنمسا بس بعدنا ماحجزنا بس افكر بجراند بزيلامسي شو رايكم؟
ومن 27يونيوإلى 29يونيو بنرجع لندن وبنقعد ليلتين بس لسه ماحجزنا ومن لندن بتنتهي رحلتنا الى ديرتنا
وبصراحة الي حجز الفنادق والمناطق ريلي الله يحفظه وانا كان خاطري يكون الحجز باماكن ومدن معينة بس الحمدالله على كل حال
ألحين استفساراتي اريد حد يرتبلي بالضبط الاماكن والقرى المهمة والمشهورة بالبلدان الي ذكرتها
لانه دامه رحلتنا طويلة فلازم بقدر المستطاع ما نطوف شي!!!
ولا تتقيدون بالحجز الي حجزناه مسبقا وتعطوني اماكن على حسب الحجز!! مب مشكلة ممكن نستأجر بمكان ثاني كم ليلة
اهم شي عندي انترلاكن (افكر اسكن بكوخ كم يوم وبعدين ارجع للفندق الي كنت حاجزه فيه بجنيف)،وزيلامسي الي ناوية احجز فيها بإذن الله، عطوني اهم القرى والمدن بهالمنطقتين وبالترتيب ربي يسعدكم
اما بخصوص ايطاليا بصراحة ما اعرف اي شي بالأساس عنها!!!!! ريلي يباها!!!
انا عارفة انه الموضوع ملخبط ومتعب بس الله يخليكم ساعدوني
وربي يجزيه الجنة الي بيرتبلي جدول متكامل
وسلامتكم