لا صدق .. إذا كانت الفنادق بعيده ومستواها هابط أكيد بيكون سعر الباكج بهذا الرخص .. ولازم تسأل عن شيئين مهمين ... السكن و شركة الطيران ..
بومحمد

لو تلاحظ ان عرض الفنادق في ( الدرجه الممتازه ) يعني ماقلك 5 نجوم والا اربع يعني الدرجه الممتازه هذي ممكن يكون فندق عادي بس ملمعينه شوي يعني مستحيل يكون من الفنادق ذات النجوم
بعدين رقم التلفون اللي حاطه اذا كان في الرياض على ما اعتقد فهو كاتب 8 ارقم وليس 7

مش مشكلة الطيران...بس هو فيه طياره اتودينى هناك...موافق..موافق...موافق....
الفنادق اقول لك من الدرجه الممتازه....اذا كانت 4 نجوم...حلاوه وستين حلاوه...

علشان كذا اقول انه عرض اقرب للخيال....بس ليش لا...خلينا نتأكد

هذا مو قريب من الخيال إلا خيال يعني مثلا عرض جاكرتا ب3200 ياعالم الحين تذكرة الخطوط السعوديه ب 2650 تقريبا يعني العرض من جد مغري والسكن اهم شىء يكون حلو مو لازم 5 او 4 نجوم

أ خوي العمده ....
العرض هذا عادي جدا ...
أولا : الطيران قولف أير
ثانيا : انت لما تخصم سعر التذكره من الباكج راح يطلع معاك
مبلغ بأمكانك تحصل أقل منه بجاكرتا وبالي كذلك...
عن طربق المكاتب السياحيه مثل هريونا وباساواتي وكاهاكا
وبأمكانك تتأكد من الموضوع عن طريق الاتصال بمقدم العرض
وتسأله عن الفنادق الي شاملها العرض ....
ممكن يكون مفيد للعوائل فقط ... و مع أن طيران الخليج
ما يشجع .....

عمدتنا الغالي
بالفعل بالنسبة لعروض اللي ذكرتها بما فيها إندونيسيا ب 3.200 ريال وصلتني بكتيب من قبل البنك السعودي الأمريكي والمكتب طبعا مكتب رحلات للسياحة والسفر.
بس بشرط... اذا بتسافر بناء على أحد هذة العروض لازم تشتريها بالفيزا موب كاش..
عرفت ليش البنك مرسلها الحين يبون نشتريها بالفيزا كارد..
بس المشكلة موب بالفيزا المشكلة بال.............. بعدين
تحياتي ،،،

النص الأصلي مرسل من قبل جاكرتا
ثانيا : انت لما تخصم سعر التذكره من الباكج راح يطلع معاك
مبلغ بأمكانك تحصل أقل منه بجاكرتا وبالي كذلك...
أخوى....
لما نخصم قيمة التذكره من سعر العرض راح اكون تقريبا 650 ريال..!
تعتقد انك تفدر تسكن فى فندق لمدة 8 ايام ما بين جاكرتا وبالى بهذا السعر لا وهذا نسيت احسب قيمة تذكرة الطيارة من جاكرتا الى بالى...!!!!! ما زلت اتظن انه عرض عادى اخوى جاكرتا;)
حبيب الملايين اول حبيب
انا حسابى فى البنك العلوجى الامريكى بس ما ارسلوا لى...!!افا...ناس او ناس لا مع وجهى امطلع لى فيزا
طيب اذا اتقول العرض يسدد بالفيزا بس وين المشكله..؟!! كم راح ياخذون عليك عموله...؟!!
اليوم راح اكلمهم وا اعطيكم العلم الاكيد....خلوها

حبيبي العمده اذا كان عندك فيزا بالأمريكي من المفترض انهم يرسلونها لك
وانا بما انه عندي ارسلوها لي ولي أكثر من زميل عند نفس الطريقة ارسلوها لهم.
بالنسبة للعمولة ما راح ياخذون عليك عمولة الا اذا ما سددتها خلا 45 يوم
يعني عندك شهر ونص اذا ما سددت اللي أخذته بالفيزا ماراح يحسبون عليك شي (لأنه كريديت موب كاش طبعا) والكاش هو اللي ياخذون عليك دايركت حتى خلال 45 يوم وبعد 45 يوم تكثر نسبة العمولة..
تحياتي ياغالي...