- قسمت العطله كالتالي...
- في الختام فيه بعض التنبيهات...
بسم الله الرحمن الرحيم..
بحمد الله وبرعايته عدت أنا العائله الكريمه من ماليزيا عن طريق طيران الخليج...
العطله مدتها 17 يوم ما تركنا ولايهإلا جيناها بالرغم من كبر عدد العائله..
قسمت العطله كالتالي...
2 يوم في افاموزا : من المطار دايركت على افاموزا ارتحنا من تعب الرحله في شاليه (( بنغلو )) 4غرف مع مسبح مغطى وسيارة غولف..على فكره جيناها يومي السبت والاحد مافيه زحمه ولا اي شي
2 يوم في الكاميرون : صراحه اللي يزور ماليزيا ومايمر على الكاميرون خسران وتكون رحلته ناقصه.. الكاميرون من من احلى المناطق هناك... المزارع والفواكه والشلالات والامطار وغير ذلك الجو الحلو كأنكفي فصل الربيع...
3 أيام في بينانغ: صراحه بينانغ من اسوء المناطق في ماليزيا وصاخه في الطرق حر شديد ورطوبه علاوه على ذلك الاجانب هم ولبسهم العاري وتجدهم بكثره يعني لاتكثر فيها كنا ناوين نجلس 4 أيام لكن خليناها 3
3 أيام في لنكاوي : بلد الهدوء والجمال... طوال اليوم هدوء.. ما تقدر توفيها حقها.. لكن اللي يبي يروح لنكاوي أفضل له يحجز غرفه تكون(( مواجهه للبحر )) ..
3 أيام في كوالا: العاصمه وما ادراك ما العاصمه فيها كل شي (( الاسواق ،المتاحف ،الحدائق ،تنوع في الفنادق ))
يوم في جنتنغ: صراحه حنا بغينا نروح فيها في جنتنغ أول يوم رحنا لصالة الالعاب الداخليه وكان يومها مطر شديد والجو مو بارد وكنا ماخذين احتياطاتنا من البرد... لكن طلع الجو حار
في اليوم الثاني رحنا لابسين نص كم من أخواني الصغار إلى الوالد... لكن اكلنا مقلب.. طلع الجو بارد ولا البرد في شهر 12 و 1 ... بارد جدا والعيال بغوا يطيحون علينا لكن شرينا لهم جاكيتات من هناك..
اليوم الاخير قعدنا في كوالا وفي الغد رحلتنا..
في الختام فيه بعض التنبيهات...
أولا: لازم ترتب المواصلات ذهابا وإيابا علشان لا تتوهق اذا كانت معاك عائله لأنك قد تواجه بعض ضعاف النفوس من اصحاب التكاسي راح يرفعون عليك السعر دبلات.
ثانيا: اياك والسباحه هناك أخوي الصغير عمره 6 سنوات قرصه (( السلفر فش )) مع رجله في لنكاوي ورحنا وديناه المستشفى لكن الحمد لله ما كانت خطيره لكن هالحيوان يقرصك بكل اعضاءه اللي عددها 12 يعني راح يكون هناك 12 جرح في الرجل وتكون شكلها كأنها محروقه..
ثالثاً: خلك على المضمون يعني اذا تبغى تحجز القارب أو الفندق أو تكسي فلازمتروح للشركات أضمن لك ولو ان السعر اغلى بشيء بسيط.....
عموما لدي العديد من الصور لكن أنا حالياً تعبان وأيضا بشوف الأقرباء والاصدقاء وان شاء الله خلال يومين بتشوفون الصور وللأسف الكاميرا الديجيتال تعطلت في آخر 5 أيام...يني بتشوفون ثلاث ارباع الرحله...
الحمدلله على السلامة أخوي بن طواله ..
ان شاء الله انك انبسطت في سفرتك ..
جزاك الله خير على هالمعلومات المفيدة وان شاء الله يستفيدوا الشباب منها..
بس الله لايهينك لوتذكر لنا الفنادق اللي أخذت في لنكاوي وبينانق وكاميرون ؟؟ وأسعارها وانطباعك عن الخدمات فيها..
تحياتي لك أخوي ..