اخواني اخر استفسار معليش
هل فيينا هي افضل المدن السياحيه في النمسا ولا فيه مدن اخرى تستاهل الزياره اكثر من فينا ؟
والاماكن الطبيعيه هل هي في فيينا ولا في مدن اخرى ؟
معليش تحملوني
والله يوفق كل من افادني وساعدني

ابو تركي يمدحون زي لام سي وسالزبورق .
بس ياليت توضح السفرة عايليه ولا شهر عسل ولاشباب علشان
الاخوان يقدرون يخدمونك.
ولو تبي رايي هاليومين اقعد عالمنتدى وصدقني بتستفيد وما يحتاج احد
يرد على اسئلتك بتقدر تجاوب على نفسك.

يعطيك العافيه اخوي ياسر
السفره شباب

الاخ الكريم
ابو تركي
للاستزادة وللاجابة على اسئلتك
زر هذين الرابطين
https://artravelers.com/p/re/101660
وانا من رأيي طالما ان الدعوة شباب .. ان تخلونها .. شقق او فنادق 4 او 3 نجوم
وعجلوا تراكم متأخرين مرة مرة
والرأي لكم
قانوني

ابو تركي
اخواني حبيت استفسر عن اسعار الفنادق في النمسا (فيينا) الحقيقه انا اول مره اروح .. ولا عندي اي فكره ولا معلومه نهائيا .. محتاج جدا الى مساعدتكم ونصائحكم وافادتكم ...
الافضل من 750 - 950 ريال
وهل الحجز عن طريق النت ارخص واسهل وماذا يحتاج علشان اقدر احجز من الانترنت ؟؟ وهل تنصحوني احجز بالطريقه هاذي وهل راح يكون السعر ارخص او عن طريق مكاتب السفر والسياحه افضل ؟؟
المطلوب فيزا
وانصحك تاخذ اسماء الفنادق وتروح للمكتب وبعد ذلك ترجع للبيت وتشوف اسعار الانترنت وان كانت متقاربة فالمكتب افضل
وحط في بالك ان بعض المواقع تعطيك السعر بدون الفطور المجاني(مهم) واحيانا تحسبه للشخص الواحد وانت تضربه في اثنين
طبعا الفندق ابغاه يكون قريب من الاماكن المعروفه واللي تكثر فيها التجمعات والاسواق والاماكن الترفيهيه .. ( يعني بأختصار افضل منطقه في فيينا )
خلك حول شارع الكرتنر (شارع المشاة) والمؤدي الى ساحة ستيفن
5*
الماريوت 950ريال
راديسون ساس900ريال
المريديان990ريال
4*
يوروبا 745ريال
nh
المده اللي راح اجلس فيها في فيينا راح تكون من يومين الى 4 ايام .. وبعدها بروح لباريس ان شاء الله ..
حرام تروح النمسا وما تروح لزيلامسي , اعتبر نفسك ما رحت للنمسا
وتبي تندم على سفرك لباريس مثل ما صار لي
وانصحك اذا المدة أقل من 12 يوم انك تقتصرها على النمسا فقط
فيينا , سالزبورغ , زيلامسي
ابي اعرف بعد كم المده بالقطار ما بين فيينا وباريس ...
حسب علمي تختلف ولكن من 8-12 ساعة
والافضل منها السفر بخطوط الطيران الاقتصادي بسعر زهيد وللاستزادة فيها يمكنك زيارة الرابط
https://artravelers.com/p/re/114488
هل يوجد عادة في المدن الاوروبيه استئجار سياره مع سواق ويكون عربي ؟ وكيف طريقة الحصول على هالشي ؟؟
ممكن بس بسعر خيالي
وانصحك تودي نفسك بنفسك من خلال المترو والباصات وهي متوفرة او على الاقل استئجار سيارة
واللي توفره من حق السواق والسيارة تجلس فيه بالنمسا زيادة ايام
حق السواق ممكن تجلس فيه نفس ايام جلوسك
وكل هذا راجع لك
واذا تبي النصيحة علمنا كم الميزانيه تقريبا وعدد الايام

يعطيكم الف عافيه على المساعدات ومشكورين جميعا
اخوي خالد صراحه لابد من باريس واليوم والله مرينا على مكتب المؤيد وقال لنا المده بين فيينا وباريس 14 ساعه بالقطار وانصدمنا صراحه وقيمتها حول الالف ريال واقترحوا علينا نروح بالطياره افضل وارخص تقريبا ب 750 ريال .. وحنا من النوع اللي ما ودنا نشيل هم التنقل .. يعني ما ودنا نكثر من المدن ..
فا وش رايك انت تشوف فيينا ولا زيلامسي يعني وحده منهم .. ووش وضع زيلامسي هل هي طبيعه ومناظر حلوه وبس ولا فيه اماكن الواحد يستاهل يروح لها ؟
طبعا حنا شخصين فقط وبالنسبه للميزانيه بدون تذاكر الطيران .. للشخص الواحد من 8 الى 9 الاف ريال ..
المده كلها للنمسا وباريس 9 ايام .
منتظر المزيد من الاقتراحات .. ويعطيكم العافيه .

اذا كذا فهذا شي راجع لك
زيلامسي افضل من فيينا لأنك تبي تروح لباريس فالتغيير حلو ما بين طبيعه ومدن صاخبه
زيلامسي فيها انشطه "
فيه الكابرون تصعد بالتلفريك وتلعب بالثلج
وفيه شلالات
وفيه زحليقه صيفيه
فيه البحيره وجمالها
عموما كم تكفيك باريس من يوم ؟؟
بالنسبه للسفر بين النمسا وفرنسا ما لك الا حل واحد وممتاز جدا
الطيران الاقتصادي رخيص انتم اثنين يكلفكم بالكثير (تقريبا 800ريال ) والسعر متغير وممكن جداً أقل
بس الميزانيه 8000ريال وش تشمل ؟؟
المصروف فقط بدون تذاكر وفنادق ؟

اخوي قانوني محنك مشكور جدا والله الموضوع الثاني مهم جدا وفيه اغلب الاشياء اللي ابيها .. بس لو فيه موضوع مثله عن باريس بعد .. تطلع اطلق واحد خ

ابو تركي
بس كذا
لعيونك
اضغط هنا https://artravelers.com/p/re/29373
ولعل فيه الكفاية والبيان
اخوك
اطلق واحد
!!!!