السلام عليكم ورحمة الله وبركاته ..
وعليكم السلام ورحمة الله وبركاته
عندي عدة أستفسارات ...
1/ أبغى شقق رخيصه وأمنه في ماليزيا بكوالا وبييانغ ولانكاوي وسلانجور ؟؟
2/وهل هم بالشقه يدققون بأعداد الأشخاص زي الفنادق ؟؟؟
ليس لدي إجابة شافية لكن أحيل هذين السؤالين لخبيرتنا مسافرة مختبة
لديها تجارب كثيرة مع الشقق المفروشة وتفيدك إن شاء الله
3/ وأيش أفضل سلانجو والا لانكاوي وبالنسبه لسالنجور نروح لها من أي مدينه أقرب لها ؟؟
مافيه وجه مقارنة بين لانكاوي ومنطقة سلانجور
سلانجور منطقة أو ولاية خارج العاصمة كوالالمبور وتبعد عن وسط العاصمة قرابة 45 دقيقة
هي كمنطقة ليست مميزة بحد ذاتها ولكن شهرتها لوجود فندقين شهيرين فيها
وهما الصن واي لاقون والخيول الذهبية
أما لانكاوي فهي جزيرة تبعد قرابة ساعة ونصف بالطائرة من العاصمة
وتعرف بالهدوء والرومنسية والشواطيء الجميلة والطبيعة الخلابة والمنتجعات الفاخرة
4/ وبالنسبه للكميرون هل هي قريبه من كوالا زي جنتنق؟؟؟
الكاميرون بعيدة وطريقها صعب ليست كجنتنق وتبعد قرابة 4 ساعات بالسيارة
5/ أسعر الطيران الدخلي بكم تقريبا من كوال لبياننغ وغيرها ؟؟
الطيران الداخلي عن طريق الخطوط الماليزية أو طيران آسيا وسعر الشخص تقريباً 300 ريال
شاكره لكم ...
العفو

ألف شكر أخوي على الرد الرائع ...
بس بسأل كيف نروح للكميرون من أي منطقه بالترتيب مثلآ؟؟
بأنتظار المزيد وخصوصآ من المختبه ...

حسب جدولكم اختي ومدة الرحلة والأماكن المطلوب زيارتها
إذا بتزورون بينانق ولانكاوي
أقترح يكون برنامجكم سلانجور - صن واي لاقون يومين
بالطائرة إلى لانكاوي 3 ليالي
بالطائرة إلى بينانق 3 ليالي
بالباص أو سيارة خاصة إلى مرتفعات الكاميرون ليلتين
وبقية المدة في كوالالمبور مع يومين جنتنق

ألف شكر ....
يعطيك العافيه ...
وبأنتظار المزيد بما يخص السكن خاصه.؟

وعليكم السلام ورحمة الله وبركاته..
/ أبغى شقق رخيصه وأمنه في ماليزيا بكوالا وبييانغ ولانكاوي وسلانجور ؟؟
بالنسبه لكوالا..
عندك شقق ّThe zon on the park
شقه غرفتين وصاله 400 ريال مع الافطار..
بينانغ..
فندق Paradise sandy bay
شقه غرفتين وصاله 580-600 ريال تقريبا مع الافطار
(هي الافضل وتستاهل)
وفيه كراون جويل.. بس ماعجبني
شقه غرفتين وصاله 380 ريال
لنكاوي..
ياما انكم تاخذون فندق(غرفتين جنب بعض)
وحددي لي ميزانيه علشان اقدر اساعدك بااختيار..
والا تاخذون فيلا على البحر (وراح تكون غاليه.. فيلا غرفتين من 1500-2000)
والا فيه شقق رخيصه.. ومستواها متوسط لكنها بوسط البلد
موب على البحر.. اذا تبينها اقول لك معلوماتي عنها..
سيلانجور.. مافيه الا فنادق..حسب مااعرف..
2/وهل هم بالشقه يدققون بأعداد الأشخاص زي الفنادق ؟؟؟
لنكاوي بس اللي يدققون فيها..
بس طبعا بشرط انه يكون العدد معقول.. يعني مثلا موب شقه ام غرفتين وساكن فيها 12 نفر
3/ وأيش أفضل سلانجو والا لانكاوي وبالنسبه لسالنجور نروح لها من أي مدينه أقرب لها ؟؟
طبعا لنكاوي افضل..
وسيلانجور بين مطار كوالالمبور وكوالالمبور نفسها.. (بينهم نص ساعه)
4/ وبالنسبه للكميرون هل هي قريبه من كوالا زي جنتنق؟؟؟
لا .. بعيده اكثر من 4 ساعات
وطريقها لفة راس مره
5/ أسعر الطيران الدخلي بكم تقريبا من كوال لبياننغ وغيرها ؟؟
ارخص شي طيران اسيا (اير اسيا)
بقول لك بكم رحنا حنا بالصيف.. والاسعار متفاوته حسب اليوم اللي بتروحونه واسبقية الحجز
كوالا-لنكاوي =89 رينجيت.. للشخص من سنتين الى 200 سنه
كوالا بينانغ= 45 رينجيت تقريبا .. للشخص الواحد
(وطريقة الحجز في توقيعي بتلقينها)
تقبلي تحياتي

ألف شكر يالمختبه
وبالنسبه لسعر الفندق في لنكاوي أبغى شي على البحر ورخيص ما أدري هل برجايه رخيص أبغى أقل سعر للفنادق يعني على الأقل الغرفه ب300 ألى 350
وبالنسبه لأرخص طيران من الرياض أيش هو ؟؟

بالنسبه لارخص طيران من الرياض السريلانكيه..
وبالصيف كانت تقريبا 2400
وبالنسبه لبرجايا لنكاوي..
اقل غرفه عندهم اللي هي السوبيريور شاليه 372 ريال...
وفيه شاليهات موتيارات بارو بي..
تبدا اسعار اقل فئه فيها من 319 ريال..
بس برجايا افضل بكثير..
تحياتي لك

ألف شكر بس عندي سؤال وخلاص شكلي مصختها ما أنعطى وجه ...
الشاليه ألي في برجايه كم غرفه ...