الى عاشق امستردام
حياك الله والمكان مكانك
يا خوي مدام انك خبره بالسفر ساعدني --- انا بسافر مع الاهل بشتني بعد اسبوعين ومحتاج بيت اوفلا نضيفه فيها حديقه -- غرفتين وصاله ومطبخ وحمام --- تراني مستعجل ابي احجز واضبط كل شي -- مثلك عارف روحت الاهل مسؤوليه --
والسؤال للجميع لاتبخلون علي يا النشامى
والشكر لله و للجميع

حياك الله معانا يا عاشق امستردام
بس من تواضع لله رفعه راح تشوف بعينك في المنتدى هذاك فطاحل بالسفر و السياحه
ناس لها أكثر من 20 سنه ما غير يفترون بالديار من غير تحديد اساميهم
لكن سم بالرحمن و شاركنا وحياك الله مره ثانيه

حياك الله معانا يا عاشق امستردام
وياريت ماتبخل علينا بما جعلك عاشق امستردام ، روتردام، اوترخت،ازفولا::::::::::::::

حياك يا عاشق امستردام معانا ...
حبيت آخذ رأيك بخصوص امستردام .. بما ان الأوضاع الأمنية صعبة شوي في لندن فكرنا بتغيير خط الرحله بحيث يكون( باريس ==>> بروكسل ==>>امستردام)
مدة الرحلة شهر كامل .. منها عشرة أيام لأمستردام ..

• هل تستحق 10 أيام ؟
• وماهي أجمل المناطق الطبيعية في هولندا عموماً وتستحق الزيارة ؟

أخي الكريم لك مني كل الشكر .. وبانتظار ردك

بالنسبة للأماكن السياحية اللي اعرفها ورحت لها ولو انت مع عائلة تكون احلى وامتع:
1- رحلة الطواحين ومصنع الجبن والأحذية الخشبية .... رحلة جميلة وتذكرك بأيام قبل .
2- رحلة واحدة لها وجهتين اما تنزل البحر أو تكمل مع المجموعة الى الحديقة الجميلة ذات المجسمات الصغيرة لدولة هولندا واسمها (Madoradum) وهي حديقة فعلا جميلة ترى فيها مجسمات لمباني وملاهي مصغرة ومطار ومنتجعوطبعا مع الأصوات يعني تحس انك تمشي في مدينة مصغرة .. يعني كل شي فيها مصغر وطبعا على ما توصل للحديقة هذي بتمر على مصنع الخزف والسيراميك الهولندي المعروف .
3- رحلة ولكن خارج امستردام الى Sea World يعني مثل مدينة مائية او عالم البحار يكون فيها عروض للدلافين مع الوسيقى . ومشاهدة الأسماك .... ولكن لا اتذكر الإسم بالضبط ممكن تسأل عن الإسم بالضبط من المكتب السياحي.
4- حديقة الحيوانات Amesterdam Zoo حديقة حلوة وخصوصا للأطفال تونسهم.
5- رحلة بالقارب الصغير عبر القنوات المنتشرة في مدينة امستردام
وفي مناطق ثانية ويمكن زيارتها ..... فقط قم بعملية البحث عن اسم هولندا وراح تلقى المواضيع اللي تختص فيها

شكرا يا سيده توته على التعقيب
يا اخ بياض الالب
طبعا توتة الخبيره عطتك الزبده
واذا تبي معلومات اكثر ومحدثه ... راح تلقاها بالاوتيل
لانو كل اوتيلات امستردام فيها بروشورس الرحلات السياحية
0ايام كثيره
7-8 ايام وتخب
الا اذا انت لك مزاج وعشق خاص للمدينة (مثلي وبحكم عملي مع شركة شل) فممكن تجلس 10 ايام
لاتسكن مسافة اكثر من 500 متر - 700 متر عن موقع دام سكوير
ولاتسكن جنب كنيسة ((سيكون هناك كثير من الازعاج))
انصحك بفندق راديسون ساس (تأكد انه القريب من دام سكوير) ترى فيه اكثر من واحد
باريس 5-6 ايام وتكره حياتك من الزهق
ممكن تزيها يومين تروح يورو دزني (بالقطار) بس ترى الفنادق في يورو يبيلها حجز قبل بسبوع وتراها غاليه انا مره سكنت 3 ايام ب 3000 ريال
وسلامتك
وذا ماكفاك عندي المزيد

عزيزتي توتة الحلوة كفيتي ووفيتي .. وأشكرك على المبادرة الحلوة ..
أخوي عاشق امستردام لك جزيل الشكر .. ما قصرت
بس عندي طلب بسيط يا ليت تفيدني بأسماء مدن تتميز بالطبيعة الخلابة في هولندا إذا كان عندك خلفية عن هالموضوع ..
ملاحظة .. أنا فتاة ولست شاباً

حياك الله
وياهلا ومرحبا بك

حياك الله
وياليت تعطينا معلومات اكثر .