اول شي
علمني كم شخص انتم وكم يوم الرحله ؟
ومن وين البدايه والنهايه المطارات ؟؟
متى السفر ؟؟؟ واذا في معلومات اضافيه اذكرها

احنا شخصين سفرانا لمده 18 يوم
سفرتنا 23 اغسطس نوصل فرانكفورت
5اغسطس هايدلبيرغ
7اغسطس بادن بادن
9اغسطس رست يوربا بارك
0اغسطس هوهينشوانجاو
1اغسطس زل ام سي
5 سبتمبر سالزبورج
6-9 سبتمبر فينا
المشكله اني الحين حجزت الفنادق والطيران بس ماني عارفه شلون اتنقل بالمحطات
اذا الرحلات فيها تبديل محطه مو مشكله اذا اكثر ويفضل سياره قولي ايهم
وهم اذا تعرف شركه باصات للتنقل بالمانيا عالاقل يفضل لانه اغلب المدن حسب ظني مو رئيسيه
شاكرتلك ردك اخي العزيز

لحظه اختي
المخطط في اخطاء
قبل لا اشرح انتي حجزتي الفنادق خلاص وله بعد في امل انكسل شي ؟؟
وفكرة السياره ممكنه يعني مجهزين القارمن والاجازه الدوليه وحاجزين سياره ؟؟

شنو الاخطاء انا خلاص حجزت الفنادق بعد ما شفت خريطه المانيا
ممكن احجز سياره من هناك مع الجارمن والليسن الدولي متوفر

طالما بالسياره ممكن ..لكن سؤالك كان عن القطار
عموما\\كان الافضل تقليل التنقل بين بادن وروشت ساعه
وبين زيلامسي وسالزبورخ ساعه وثلث . وبين فرانكفورت وهالديبرغ ساعه كان ممكن اختيار واحده فقط
لكن طالما حجزت الفنادق .. لا بد تاجر السياره وتسلمها بسالزبورخ ببلدة فريسلانق الالمانيه قبل اخر يوم في سالزبورخ وترجع بالقطار الى فينا
تحياتي

اخي العزيز
انا فضلت التنقل لتقليل المسافه لانه المناطق الي بروحلها في طريق الرحله
انا سويت سيرج على القطار الالماني في دايركت لهيدلبيرغ و بادن بادن و سالزبورج و فينا باقي من بادن بادن لي راست ومنها لي و هوهينشوانج و و منها لي زلمسي فقلت باجر سياره بهالمناطق
غقب السيرج حصلت شركه 200 دك لمده 4 ايام مع جي بي اس و اوتوماتيك هل السعر مناسب؟
شاكره مرورك اخي العزيز

اختي الله يسلمك انا عندي ملاحظه على بعض برنامجك حيث ان هناك محطات تنقل لا داعي لها وخصوصا المحطات المتقاربه جدا مثل بادن بادن ورست فيمكن دمجها مع بعض فالمسافه فقط ساعه واحده يعني بامكانكم البقاء في بادن بادن والذهاب الى روست (اليورب بارك )والعوده في نفس اليوم خصوصا انها تفل الساعه 6 مسائا قبل الغروب بساعتين ومنطقة روست منطقة ميته ليس فيها الا الملاهي واذا بتسكنون فيها فبعد اغلاق الملاهي تصبح ممله كما ان التشك اوت والتشكن متعب ومضيع للوقت ويربطك يعني اذا بتسوي تشك اوت اكيد بيضيع يومك وما راح تقدر تسوي برنامج لهذا اليوم خصوصا اذا تنقلك بالقطار خصوصا عفشك وين توديه ؟؟؟ خلني اوضح لك اكثر انت بتسوي تشك اوت من بادن بادن نقول الساعه 10 صباحا وتنتقل الى روست علشان اليورب بارك طبعا الفندق ما راح يسوي لك تشك ان قبل الساعه الواحده هذا اذا هو مبكر بعضهم الساعه 4 طيب عفشك خلال الفتره هذي وين تودي ؟؟؟؟ خلنا نقول راح تحطه عند الفندق لان بعضهم ممكن يستقبل عفشك طبعا انت تبي تلحق على اليورب بارك وكل هالاجرائات راح تضيع وقتك وماراح تقدر تدخل الا الساعه 12 ظهرا (وهي تفتح الساعه 9 ) ضيعت 3 ساعات على الفاضي والبارك يقفل الساعه 6 مسائا وسوف تعود للفندق وكل شيء سيكون هاديء وممل ويجيب الطفش وما استفدت من فندقك ولو انك مثلا غير مرتبط بحجز وتنطلق من بادن بادن بعد الفطور الساعه 8 صباحا سوف تكون في اليورب بارك الساعه9 وتحلل تذكرتك صحيح لانها اصلا تحتاج ليومين فكيف بنصف يوم ؟؟؟؟؟ بختصار شديد لازم تعيدين اخيتار المحطات بشكل سليم ودامكم قادرين على استئجار سياره انصحكم فيها هي راح تسهل من ترتيب البرنامج وتعطي السفر متعه اكثر وتعطيكم حريه باختيار فنادق بعيده عن السنتر تكلفتها بنصف الثمن وبالنسبه للباركنق مهوب قضيه ولا مشكله بصراحه توزيعك للايام عشوائي نفس المشكله بين زل امسي وسالزبيرق وباقي المدن لا اعرفها وانا عرفت توزيع الايام لاني اتذكر انك فاتح موضوع قبل كذا وفتح اكثر من موضوع يفقدك التركيز تحياتي