هلا اخوي
ممكن تخليها يومين ميلان ويوم سيرموني
التكلفة باليوم بدون سكن ممكن من 100الى 150يورو

ليش سيرموني احسن عن فينيسيا ؟
انا من ناحيه فلوس عندي التزامات كثير وما اريد اصرف اكثر عن 500 يورو

مهندس2010
هلا اخوي طيب ممكن تقتصد وتصير تصرف باليوم 50يورو اكل وشرب
والفطور بالفندق
وسيرموني افضل كونها تقع بالبحيرة وعندك ملاهي الجاردا لاند وفية سفاري بارك
والخيار لك

ابو طلال*
تسلم يا الغالي بس ما قلتلي كيف اسعار الفنادق في ميلان ؟ ومن خبرتك هل تعتقد ان 500 يورو تكفيني في كل شي ؟ انا الحرمه ملزمه تشوف فينسيا , هل فيه اماكن اوقف السياره ولا افضل اخليها في ميلان واروح في باص , انا ناوي اخذ ليلتين في ميلان يعني هذا خططتي:
1- امشي من فرنسا الساعه 9 الصبح وبوصل ميلان الساعه 3 الظهر وارتاح ساعه في الفندق وبعدين اتمشا في ميلان,
2- اليوم الثاني امشي من الصبح الي فينسيا وارد الليل ميلان
3- اليوم الثالث اعمل شيك اوت واتمشى شوي في ميلان وممكن امر علي سيرموني وبعدين ارد فرنسا الساعه 3 الظهر وبوصل البيت الساعه 9 الليل
شو رايك بارك الله فيك وسامحنا اذا ثقلنا عليك

مهندس2010
هلا اخوي
ممكن تكفي 500 يورو بس شد يدك شوي
الفندق خذ فندق جليلو سيزر قريب من ساحة الدومو يطلع عليك ليلتين بحدود 200يورو
وفنيسيا اليوم الثاني اطلع لها بسيارتك ووقف في مواقف السيارات القريبة من محطة التكسي المائي اللى قرب
ساحة روما وان شاء اللة تسهل امورك

تسلم يا بو طلال , رجعتي لي الامل شوي,, شو اللنك حق هالفندق ممكن ترسله, انا حصلت هالفندق ما ادري اذا يناسب شو رايك Domina Inn Milano Fiera شكله في الخريطه قريب مره من ساحه الدومو؟؟؟؟
500-600 مع الفندق يعني الطلعه كامله ترى ,
تسلم يا الغالي

بعد اذنك ابو طلال
اخي مهندس انا عندي اقتراح راح يوفرلك الشي الكثير
مدامك تبي تجي بالسيارة من فرنسا لازم تشوفلك فندق رخيص وفيه مواقف مجانية لسيارتك وقريب من الصب واي
يعني مولازم تسكن بجنب الدومو الاسعار نار
وبرضه بامكانك تسكن باي فندق مواقفه مجانية وتروح للاندر قراوند بسيارتك (بعض محطات الاندر قراوند فيها مواقف مجانية)
والاندر قراوند باخو البلاش

شو الاندرقراوند, قصدك مترو , وبعدين هذا برضو يبيله تذاكر ولا ببلاش
؟؟

ايوه هو المترو
5دقيقة ب 1.5 يورو ، 24 ساعه ب 3 يورو