لن استطيع الدخول لنت بعد الرابعة عصراً اتمنى ان اجد جواباً من الاخوة الاعضاء

كاسر الوشم
لا املك معلومة عنه
بالتوفيق

اتمنى ان يكون احد في المنتدى لدية الخبرة ويعطيك المفيد .

كاسر الوشم
هلا بك ياغالي
بالنسبة للصرف الدولار الواحد يعادل 11800 روبيه قد تزيد وتنقص بحسب سعر السوق
والمهم تأخذ فئة 100 دولار جديدة غير مسفوطة لانها تفرق في الصرف
بالنسبة لبالي
توكل على الله واحد من الاخوان هناك كلمني البارح والاوضاع ممتازه ولله الحمد
بالنسبة للفندق بتافيا جيد وقريب من شارع ردين صالح الي عليه اغلب المطاعم العربيه
اتمنى اني اكون قد افدك وتروحوترجع بالسلامه

فندق اتريوم كل شيء قريب منك
السوق ملاصق الفندق
بيتزا هت مقابل السوق
مكتب كاها ماقبل البيتزا
الماكولات العربيه مطعم أبو نوااس + الجزيره يبعد 4 دقائق من الفندق
الليله = 670 بدون فطور + 690 مع الفطور (( احلى شيء شفته فطورهم على كيف كيفك ))

أخوي .. الله يوصلك بالسلامه...الوضع طيب..ولافيه شي من الدعايات اللي يقولونها الناس.
الناس طيبين جدا ويحبون ويقدرون الغريب
صحيح الغالبيه فيهم (في بالي) هندوس..لكن كنت عندهم 4 ايام و مارأيت الا خير..الا انهم على
غير دين الاسلام..نسأل الله لهم الهدايه.
من ناحية النت لايشغل بالك...تجده في المحلات اللي بالشوارع حول الفندق
ومن ناحية الفلوس مثل ماقال الاخوان افضل شي الدولار..وحاول تصرف 200 او 300 دولار روبيات لانني ملاحظ
ان كل يوم ينزل...في الصرف...حاول يكون معاك روبيات دايما...مثلا ياخذون منك اذا دخلت في مطار بالي حوالي 30000 روبيه..اذا ماني غلطان..وكذلك عند مغادرتك بالي.طبعا هي ما يقابل 10-12 ريال سعودي.
التاكس من المطار افضل لك..هذولا اللي عندهم سيارات خاصه غالين...واذا ركبت مع احد فلا تعطيه اكثر من مية الف روبيه
والظاهر اهنا كثيره بعد...عسى الاخوان يدلونك اكثر.
اول ماتنزل مطار جاكرتا..اشتر لك بطاقة تلفون..ارخص لك..والمكالمات داخل اندونيسيا 2000 روبيه للدقيقه..وللسعوديه
0روبيه...والله اعلم. المهم اشحن البطاقة بما لايقل عن 200000 روبيه(ميتين الف).
انا سكنت في فندق جاياكرتا..غرفة ديلوكس ب 85 دولار اليوم..عن طريق النت.موقع البوكينغ دوت نت.ممكن تحصل احسن منها...وهي 4 نجوم ..اثاثها قديم شوي بس نظيفة..وبه نت وايرلس اذ كانت غرفتك قرب البركه.
الشاطي حلو ملاصق للفندق..بس مليانه ناس.السوق ملاصق للفندق.
الباعوض موجود ولكن شوي .
وهناك مطعم اسمه سوماطره قرب المطار..يسمونه هنا بادي رستورانت..يعني طعام مسلمين..
يظهر انني مسافر على نفس الطياره اللي بتجي فيها....الله يوصلنا واياك بالسلامه ..ويوفقك في سفرك واقامتك.

أستون مارينا قريب من فندق ميركيور الي على البحر ، وهالفندقين اقرب فندقين للمطار ، لانهن في مدخل جاكرتا ،،
استون راسونا رائع وممتاز ، شقق فندقية ، والانترنت اذكر قبل 3 سنوات بفلوس ،،
تحياتي..

مشكورين على الردود الجميلة والله يوفقكم
ويجزاكم خير اخوكم كاسر

تروح وترجع بالسلامه
بس لاتنسانا من الهديه وهي ( تقرير حلو يهز المنتدى هز )
لاتقول ماقلنا لك ولا نسيت يعني اعذار مانبي
تحياتي