bu mishari
20-03-2022 - 01:46 am
السلام عليكم ورحمة الله وبركاته
أخواني وأخواتي بغيت رأيكم بخصوص تأجير سيارة فان مع العلم ان جدول رحلتنا يبدأ من ميونخ 4 ايام وثم سالزبرغ 3 ايام وننتهى في فينا4 ايام .
مع العلم إن عدد نا 11 شخص كعائلتين مكونه من 5 اشخاص بالغين و6 أطفال
أبغي منكم النصح في ماهي الطريقه الأنسب في التنقل هناك ..
شاكر لكم تعاونكم
بو مشاري
انا كنت في يوم من الايام اضحك على اللي يستاجرون سيارة في اوربا لسبب وجود القطارات والباصات لكن انا هالمره توني جاي من المانيا وكان مخطط رحلتي نفس رحلتك باستثنا فيينا استبدلتها بزيلامسي الجميلة واستاجرت سياره من المطار مع اني والله وصلت المانيا وانا والله متردد استأجر ولا لا المهم وانا قريب من محطة القطار سالت الموظف وين مكاتب تأجير السيارات ودلتني عليه استأجرت اودي بقيمة 190 ريال في اليوم مع النافيجاتور اللي بصراحة يخلي الاعمى يسوق هناك والحمد لله كانت رحلة حلوه غير كدا ندمت على السنوات اللي راحت ماستاجرت فيها سيارة
تقبل تحياتي وانصحك تستبدل الثلاث ايام اللي في سالزبورغ بزيلامسي لان سالزبورغ في نظري ماتسوى الواحد يقعد فيها ابدا