تروحين وترجعين اختي بالسلامه :
اولا : ساحة سان ماركو الشهيرة حيث فيها كل شي تقريبا ً
ثانيا : الكنيسه اللي فيها الساحه
ثالثا : امام الكنيسه ستجدين زي البرج العالي هذا ادخليه التذكره ب 6 يورو يطل على فينيسيا كامله
رابعا : وانتي مخليه الكنيسه وراك وداخله الساحه . . تروحين لآخرها من الجهه على يدك اليسار
وتدخلين في الممر تسألين عن مكتب اسمه : امريكان اكسبرس . . هذا مكتب سياحي جيد
عندهم رحلات بالمراكب : مثلا الجندول فيه نوعين نوع عايدي وفي نوع بموسيقى يكون معاكم واحد يطنطن ويعزف والمده حسب ما تبين في نص ساعه وفي ساعه
واحسن وقت للجندول انصحك فيه هو وقت الغروب - السن ست - يعني خلي رحلتك بالجندول الساعه 7.30 المغرب
خامسا : بالمكتب نفسه عندهم رحلة ل 3 جزر وتكلفتها 20 يورو للفرد . . تزورين فيها بورانو و مورانو اللي فيها افضل محل للزجاج والثريات وهالامور
كانت الرحلة حلوة جدا جربتها . . وتبتدي من 2.30 الظهر وتنتهي حوالي ال 7 مساء
لكن انصحكم اذا خذتو تذاكرها انكم تكونون حاجزين اماكنكم في المركب بدري عشان الاماكن اللي جمب النوافذ عشان الهوى العليل بدل الكتمه و روايح الاوروبيين المنتنه . .
ولما تخلصون الجزيرة الاولى والثانيه والثالثه . . عند الركوب الاخير المتوجه لفينيسيا خليكم بدري بدري
في المركب عشان تركبون فوق لأن الشمس وقت غروب تقريبا و خفت ويكون المنظر اجمل والهوى ذعذاع .
سادسا : فيه متحف اسلامي بجانب الكنيسة كنيسة سان ماركو دخلناه هو والقصر وكانت مش ذيك الزود
يعني مش ذاك المتحف القوي مجرد سجاد ولوحات بسيطه عن الاسلام وفينيسيا . . وممنوع جواه التصوير.
سابعا : المحلات طبعا في كثير من الممرات اللي حوالي سان ماركو . . وتقدرين ترا لما تشترين شي
تسترجعين التاكس فري من نفس فينيسيا . . من محل امام لوي فيتون اسمه Tax Free
ويعطونك اياه كاش طوالي . .
سابعا : وسية المواصلات من المحطه إلى فينيسيا :
على حسب هناك الباص المائي اعتقد يكلف 3 يورو للشخص اكثر او اقل مادري لكن ما انصحك فيه
لأني اشوف الحشره والناس فيه ياساتر استر . .
التاكسي المائي اريح واجمل لك ولأهلك لكن عيبه شوي سعره عالي : يعني مش اقل من 60 يورو وحاولو تكاسرون لأن شوي السواقين يتحايلون في الاسعار
وموفقه اختي واتمنى لكم زيارة سعيده وجميله . .
نصيحه : من خلال ذهابي لفينيسيا فضلت الخروج من بعد ال 5 عصرا ً عشان الشمس تخف شوي
وتحياتي لج

اهم شئ عندك في فينيسيا ساحه سان ماركو وجسر ريالتو وجمال فينيسيا في شوارع وجسورها يعني التمشي فيها بدون قصد محدد ممتع
والقندولا تتراوح اسعاره وكل ما ابعدتي عن سان ماكو قل السعر لانها منطقه سياح ولما يقولون لك رحله طويله ورحله قصيره وفرق السعر هي نفسها بس في الاولى يمشي ابطأ وممكن تشرطين سعر معين تقريبا هي 100 يورو الى 80 يورو وممكن مع المكاسر ب60 انا اخذتها ب60
وبالنسبه للذهاب من محطه القطار للفندق في نقل عام الي هو باص 81 اذا كنت عارفه موقه الفندق وخاصه اذا كان قريب من سان ماركو ولاريالتو بريج خذي هذا الباص مجانا ولما توصلين سان ماركو انزلي وسحبي شنطك للفندق واسأليه عن موقعه طبعا او ادخلي اي فندق يعطيك خريطه ويوضح لك مكان فندقك او خذي التكسي المائي ب60 يورو وبلسلامه وان شاء تنبسطون

شكرا على هالمعلومات الحلوه