وعليكم السلام ورحمة الله وبركاته
هلا وغلا اللندنيه
مابعد جربته ولكن من ناحية انه البعد فهو قريب وفيه قطار من المطار لين وسط لندن ..
وبشكل عام المطار كبير ولكن مش نفس هيثرو طبعاً

القطري
مشكور على ردك
ودي بمعلومات أكثر عن المطار
تحياتي

هلا وغلا للندنيه ..
مافي تقريبا فرق الا ان هيثرو اكبر منه بشوي ..
وأبعد عن لندن من الهيثرو طبعا ..
والمطار عليه ضغط خاصة في الصيف ..
وتقريبا كل الموصلات اللي في هيثرو فيه مافي اي اختلاف بينهم من هذي ناحيه ..
والقطار اسمه جاتويك إكسبريس ويقطع المسافة
ومن مطار جاتويك الى استيشن فكتوريا تقريبا 35 دقيقه ..
والرابط اللي تحت رابط المطار وتقدرين اتشوفين المعلومات كلها بموقعهم..
http://www.gatwickairport.com/
تحياتي ,,

البرستيج كله
تسلمين يالطيبة على مساعدتج
تحياتي

فيه قطار يوصلك على لندن بردج.. انا قد جيته قبل شهر تقريباً.. صغير وزحمة.. يعني ضاع وقتنا في الكيو ننتظر يجي دورنا..
المسافة منه لين لندن بالضبط ماحسبت بس اكثر من نص ساعة طبعاً
أنا رحت له بالكوش.. والرجعة من المطار للندن رجعت بالترين..
المعاملة .. عني شخصياً شفتها أحسن من مطار هيثروا.. علماً بأنه كان ضغط على الموظفين بحكم صغر المكان وزحمة المسافرين
السوق.. لأن ضاع الوقت كله بالسرى فما تذكر شي خير شر عن السوق

أختي اللندنية ياليتك توضحي أكثر شنو الأسئلة بخصوص المطار جاتويك
عموماً، أنا سافرت من مطار جاتويك إلى مطار أبردين بتاريخ 16-6 قبل شي أسبوع يعني
وراح أرجع إلى لندن من نفس المطار بتاريخ 27-6
عموماً،،، من وسط لندن إلى مطار جاتويك بالسيارة ياخذ ما لايقل عن ساعة وربع
خلي هذا في بالك إذا كنتي بتروحين بتاكسي مو بالقطار
شخصياً طلعت بتاكسي ميني كاب كون حنا 3 أشخاص شفتها أرخص من قطار جاتويك إكسبريس
فيه شي لازم تنتبهين له، إذا أخذتي التذاكر طبعاً ماراح يقولون لك من أي بوابة الطيارة راح تكون
هالشي تعرفيه قبل 30 دقيقة بس من إقلاع الطيارة
وتكون المعلومة في شاشات معلقة في السقف منها تعرفي أي بوابة يجب تتوجهين لها
وطبعاً فقط مثل ماقلت لك قبل 30 دقيقة بس تعرفي هالشي
شخصياً واجهت مشكلة من هالناحية، أخذ التذكرة ورحت أصلي الظهر
وقبل شي 35 دقيقة توجهت للدخول لنقاط التفتيش
وتفاجأت بوجود طابور بالأول، أخذ مني كم دقيقة
والتفتيش الملاعين جداً دقيق، ممنوع أي نوع من السوائل، الكريمات، الآلات الحادة وشبه الحادة إلخ
فهذا الشي برضو أخذ مني وقت، يادوب طلعت للصالة الداخلية اللي منها أعرف أي بوابة فيها المطار
طلعت على طول بس طاف الوقت الطيارة هجت
شوي تنفس الصعداء يوم شفت إنوو أكو رحلة بعد 4 ساعات على نفس الخطوط.
دفعت 30 باوند زيادة طبعاً......
يكفي ولا زود؟ :8888:

ميمي
مشكورة على ردج
جوزيف
مشكور ... انا موجودة وبسافر في 16/7 هئ هئ تو الناس ...