أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ام الدلال 26
السوق اللي مشهور عندهم اسمه ( المارين بلاتز )
المجمعات
Reem Arcaden
PeP
Olympic center
والمانيا مشهورة بملابس الاطفال
ولأي استفسار انا حاليا موجود بميونخ لغاية شهر 9
اخوك محمد صباح من الكويت
هلا اختي ام الدلال
انا اشوف ان سوقهم عادي جدا جدا
حتى اني احاول مع خطوط الطيران نغير حجزنا بس للاسف كل الحجوزات فل ..
انا ( سفرتي هذي للشوبنغ ) .. وان شاء الله العوض في ميلان ( عسى بس ماانصدم )
شوفي توقيعي اختي صاحبه الموضوع
واخواني ما قصروا
اهم شي المارين بلاتز والماكسيميليان
انا حبيت ميونخ لان بضايعها ماكانت مخلصه ! مثل فرنسا و فيينا و
اهم شي عندي الماكسيميليان ستراشه ..كله ديور و ال في وفرساتشي وو وواختي كاس عسل ..
حريم يموتون في السوق
تحياتي
هلا ساره
ميخالف انا ونابليونه خوات خ
اول شي بتكلم عن اسواق ميونخ بغض النظر عن شارع الماكسيميليان ..
هذا الشارع ماركات طبيعي بيكون روعه لوجود الماركات (( يعني مفروغ منه ))
انا اتكلم عن الشوبينغ في ميونخ .. عادي جدا .. اغلب بضايعهم كأنج تتسوقين في دبنهامز
يعني مافي زود موليه ..
ايطاليا .. ان شاء الله بعطيج اخبارها ياقلبي .. ابشري ..
بس على فكره ترا قبل ايطاليا بروح زيلامسي ..
أنا مع اختي كاس عسل و بقوة .. ، ميونخ مو مدينة للتسوق ، ميونخ مدينة عشان الواحد يتمشى في الحدائق و الأماكن التاريخية و يتعالج ، غير جذي ما أظن .. ! عندي خبرة في ألمانيا بشكل عام كبيرة ، و هذي الخبرة تفرض علي أني أقول عمر ميونخ ما بتكون مدينة تسوق ، حتى بضاعتها موجودة في الخليج قبل ألمانيا ، البعض يتحجج بالجودة و يقول الجودة في ألمانيا أكيد أكثر عننا ، و لكن يا جماعة صارت هيئات متخصصة في مجال قياس الجودة في دولنا الخليجية ، يعني أكيد ما راح تكون أقل من الموجود .. طبعاً إذا ما تلاقيت مع أحد من عشر سنوات و خاطرك تشوفه زور المارين بلاتز في الصيف ، نادراً ما تشوف ألماني مار هناك ، ماشاءالله الخليجين محتلين المكان احتلال كامل ، تحس انك تمشي في دولة خليجية و تسمع كل الكلام اللي تفهمه ، المارين ميزته إنه تتجمع فيه محلات لذوي الدخل المحدود أو العادي ، و فيه كثير محلات موجودة في الخليج و فيه العديد من الكوفي شوبز و المحلات المشهورة فيه طبعاً المتجر الألماني رقم واحد ( كرشتات ) و يليه ( غاليريا هوف كوف) و هذيلا المحلين موجدين عند كل كيلومتر مربع ، و مو حصرياً في المارين يعني تلاقيهم في أمكان ثانية و طبعاً فيه محلات ثانية مثل ( H&M - C&A -ZARA - ORSAY - ESPRIT ) و غيرها من المحلات المشهورة .. و على بعد خطوات من المارين راح تنتقل لعالم آخر .. MAXIMALIAN ، جنة الماركات في ميونخ شو يخطر على بالك من ماركات موجودة ( DIOR - GUCCI - D&G - Cartier - Yeves Sant Laurant - Louis Vuitton - AGINER ) يعني مهما اعدد ما راح اخلص طبعاً في انواع من المجوهرات المشهورة مثل ( بولغري - شوبارد ) و غيرها بس بيني و بينكم احسن الألمان ما سووا هالشي حقهم ، سووه حق الزوار لأنه بصراحة غالي بشكل كبير و كل الألمان يقولون لك ما نفكر نشتري منه ، شوي و ارجع لكم بصور من الشارعين ،
فعلا اخوي سما الامارات .. انت وصلت اللي كنت بقوله ..
تدري .. دخلت محل فرساتشي في شارع الماكسميليان . . كانوا يشترون منه الخليجيين بالهبل ..
وهو من فرحته يقول لي كل بضاعتنا تشترونها انتم يا اهل الخليج !!!!!!!
يعني فعلا انت كلامك صحيح و 100 %
~ كاس عسل ~
و تبين ازيدج اختي كاس عسل .. لاحظي انه اغلب المحلات اللي في الشارع يعرفون كم كلمة عربي ، لا و انجليزيتهم فوق الممتازة ، بالأضافة انه الكثير منهم موظف عرب ..
مرة من المرات فكرت ادش محل ( كارتير ) لقيت على الباب مليون بودي جارد و قافلين المحل و صايرة قصة ، قلت خير ان شاءالله ،طلع واحد خليجي في المحل قاعد يشتري ، و باين عليه غني ، عموماً أنا حبيت رقي المكان بس ما حبت المبالغة الموجودة ، خصوصاً إننا كخليجين نموت في التمثيل لما نسافر
