لا تشيل هم.... اتبع اللوحات اللي تودي الى العين ....
وبتلاقيه على يمينك.
واذا انت موجود في شقق مينك اللي في الممشى.. سير الى فندق برج العرب وخذ يمين من التقاطع اللي قبله و بعد الاشاره الاولى بتلاقي كليه شرطه دبي. كمل الى الامام لين ماتعبر شارع الشيخ زايد ومول الامارات. خلك سيده وبتجيلك اشارات. خلك سيده لين ماتوصل الدوار. من الدوار كمل سيده. وكمل سواقه لين مايجيلك تقاطعات كبيره. انتبه على اللوحات. شوف لوحه العين اذا مافي شوف الشارقه او القريه العالميه. المهم من هذا التقاطع لازم تلف يسار. وكمل سيده واتبع اللوحات الى العين. من تمسك خط العين خلك سيده لا تروح يمين ولا يسار. مسافه 10-20 كم وبتلاقي دبي اوتليت على يمينك.

أبشرك رحت له
خبصت الين لقيته
بس باقي التنين الصيني ... مادري وشلون أبصله
الرجعه ماتعبت فيها ... شكلي رجعت حسب وصفك
تسلم اخوي ... واذا تقدر توصف السوق الصيني ... الحقني ..

طيب ولا عليك امر عاد علمنا كيف حصلت الاوت لت ...يستاهل المشوار ومثل بقيه المولات ولا عادي ...

هلا اخوي
الحين انا بوصف لك الطريق الى التنين وان شاء الله اعرف اوصف خ بجرب
شوف اخوي اطلع من جميرا على شارع الشيخ زايد عند الجسر الثاني اللي بعد مصنع بيبسي كولا اطلع ع الجسر وخذ يمين عند منطقة القوز انزل من الجسر وامش سيده بتحصل مركز دبي للبولينغ و بعده تقاطع اشارات امشي سيده لين ما تركب فوق جسر وانتبه من الجسر لف يمين وبتطلع على شارع الخيل عقبها امش سيده بأتجاه منطقة راس الخور اول شي راح تشوف نادي الركبي وعقبها كراجات وامشي سيده تقريباً 10 دقايق بعد سوق الخضره والفواكه بيك جسر وبعد الجسر بتحصل دراقون مارت مبنى شو كبره في منطقة انترناشيونال سيتي
وهذا خارطة الموقع http://wikimapia.org/

صح نسيت اقول
طلعت الاوت ليت هي نفسها لدراقون مارت بس الاوت ليت تلف يمين لطريق العين
والدارقون مارت تكمل سيده

فهد سلامه
أولا : هو بعيد جدا ...
ثانيا :استغربت كثرة الزوار ... لانه فيه ناس قالوا سوق ميت مافيه أحد ... بس بصراحة وصلته الساعة ثمان مساء ومشيت الساعة 11:15 بعد ماتعشيت ... وبرضه فيه ناس .
ثالثا : هل يستاهل العنوة أم لا .... صعب التحديد .. ولكن ...
مالقيت مثل ماتوقعت لقيت أسعار عالية ( المدام تقول مول الامارات أفضل أسعار ) لقيت بضاعة جديدة مكتوب لوحة new arrival يعني مهوب ستوكات .... فيه محل بالدور الثاني زحمة شوي وأسعاره مناسبة عنده تشكيلة ملابس أواني منزلية وغيرها مشكل مادري وش اسمه بس أكياسه لونها أزرق مكتوب عليها باصفر Tchibo
اخيرا : ما أبغى أقول يستاهل والا لا ... بس بالنسبة لي مرة ثانية اذا جيت دبي... وخلصت كل الاماكن اللي ودي أروح لها وبقى وقت أبروح له مع أن البعد يمكن يخليني أتردد ...

تفضل اخوي الصامت
هذا الطريق حسب الخريطه
وان شالله واضحه ووصلت المعلومه

انا ساكن معك في المارينا ورحت امس للصيني
مسكت طريق الشيخ زايد الى ان وصلت برج دبي.. اخذت لوحات العين وحتا
وكملت مع الطريق.. الين جتني دبي لاند .. وبعدين سوق الخضار والفاكهة.. هو بذيك المنطقة

لجميع من رد
له كل التحية والتقدير
الله لايحرمني منكم ...
أشكر تواصلكم ومساعدتكم ...