نصيحة تذكرة رخيصة .............. خدمات تعيسة

والله اكثر من واحد حط تقريره هنا و بطيران الخليج و مدحها
ممكن الرحلات القصيره بطيران الخليج مو ذاك الزود لكن الرحلات الطويله كل الشركات تهتم بها

انا من المسافرين دائما على طيران الخليج و عدد 13 رحلة لتايلند على طيران الخليج
8 رحلات منها كانت مو ملتزمة بالوقت .............. و رحلة منهم و الاخيرة كان من المقرر تقلع الساعة 11:30 مساء بس الطيارة صار فيها تأخير و عطل حتى اقلعت الساعة 4:00 فجر اليوم الثاني .........
و منها حولت على طيران الامارات .............
بس حسب التقارير اللي قرأتها بالمنتدى اعتقد تحسن الوضع عندهم ......
الخدمة : على حسب الطاقم .... يختلف التعامل (مرات الخدمة تكون down) و مرات تكون ممتازة
الترفيه : يعتمد على الطيارة .......... في بعض الطيارات طراز a340 اللي تسيرها طيران الخليج لتايلاند تكون مزودة بنظام ترفيه شخصي او ساعات تكون نظام ترفيه عام
العرض اكثر من رائع .............. و اتمنى لك اللي فيه الخير

في أحد يمدحها وفي لا,,
فكل شي يعتمد على ميزانيتك ياأخوي..
وأنا أتوقع أنها تنزل الأسعار على باقي شركات الطيران بشهر 8 لان ان شاءالله بيكون شهر رمضان وأتوقع بتقل الرحلات وتقل قيمة التذاكر,,
..
وأذا كان عندك أمكانية عندك العمانية الأتحاد القطرية الأمارات كلهم روعة ومريحة

انا توني راد عليها
طرت عليها بالعرض ب113 الطياره بشكل عام مقبوله من حيث المستوى والسيرفس
طبعا طيارتهم 340 كانت مستعمله وشروها من الخطوط السنغافوريه
فيها شاشات ترفيه شخصيه لكن الغالبيه خربانه
انت وحظك بالكرسي
بشكل عام تنفع لان سعرها اقتصادي والأحلى من هذا كله واللى خلاني اطير عليها
توقيتها
تطير من الكويت ست المغرب توصل للبحرين سبع تقريبا ثمان تطير من المنامه قبل ثمان الصبح انت في بانكوك
يعني اليوم كله عندك
الرده كذلك حلوه تطير من بانكوك الساعه 8 بليل يعني حتى لو كنت فيه بتايا يمدي انك تكمل اخر يوم هناك وتقوم من النوم وتسبح وتاكل وتفتر وتاخذ تاكسي على الساعه اربعه العصر وتروح للمطار

طيران جيد جدا
من واقع تجربة

انا نصحيتي لك مدام انك حجزت
انك تجهز روحك وتنام بالطياره علشان ما تحس بالمشوار
ولا طيران الخليج لا باس فيه
بس انا معاك مدام عليها عرض ووقتها حلو اتوكل على الله
واتمنى لك رحلة موفقة

خذ معك كتاب في السفر يسليك ويطير نص الوقت

ألحان عمان
اتفق مع الاخ في الجزء هاذا من الكلام
لو تاخذ البيسنيز بيكون جدا ممتع
انا احجز على المقاعد السياحية يكون عادي بس تعب لكن البيزنيس جدا ممتع
موفق