DEKAT
ج1:والله ماعندي فكرة عن أسعارهم الآن أنا أخدت السياحية ب1800 تقريبا في 17 أغسطس
ج2:في الدهاب كان 45 دقيقة فقط حتى مالحقت أتمشى في المطار
وفي العودة 24 ساعة تقريبا والخطوط تؤمن لك السكن في فندق محترم حتى إنهم عطونا سويتات
مع بوفيه مفتوح للوجبات الثلاث
ج3:مواعيدهم تضبط ساعتك عليها ماشاء الله ووقت المغادرة من جاكرتا الثانية والنصف ظهرا وطع شوري رح عليها وماجاك بوجهي والله إن تنسى شىء إسمه قارودا أو السعودية

مرحبا إخوي المعري
هذا عنوان الاتحاد للطيران في جاكرتا

حاول تجرب موقع الشركة بالتاريخ اللي تريده علشان تعرف فتره التوانزيت والاسعار
http://www.etihadairways.com
تأكد من الاسعار من عدة مكاتب سياحيع لأنه السعر يفرق
بالتوفيق إن شاء الله

اخوي dekat رحلتي على طيران الاتحاد يوم 19/10
أخذنا التذاكر بقيمة 1860 شخصين والثالث حسبوها
له 1720 لكن سمعت ان المؤيد عنده ب 1650
أتمنى اني أفدتك بالموضوع

المعري
وش تبي بالترانزيت وغثاة رح على القارودا والسعودية وكبتها نومة بلا اتحاد بلا اتفاق خلك مع الاخضر الطائر ويكفيك انك راكب شعار بلدك وصدقني لاتسمع كلام المعري تراة بيوهقك

عزيزي DEKAT
والله إذا تبي النصيحة والرأي السنع لا تقرب الجارودة والسعودية
تبي تقولي وش السبب أقولك سلبياتهم أكثر من إيجابياتهم :112:
والإيجابية الوحيدة هي فقط أنه ما فيه ترانزيت وعلى طول جاكرتا
(( وهذي الإيجابية بعض المرّات تتبخر مع الخطوط السعودية وتقلب خط البلدة ))أمّا من ناحية الخدمات في كلا الثنتين ما عندك أحد:112:
لكن خذ العلم وأنا أخوك
توكل على الله و رح على طيران الإتحاد ( الترانزيت 45 دقيقة في الذهاب والعودة يوم في فندق )
والخدمات على حسب كلام المجربين للخطوط ( 5 نجوم ) ضيافة ممتازة - ترفيه - إنترنت - أفلام
بالعربي فندق 5 نجوم طائر
أمّا من ناحية السعر
أنا أخذتها 1590 من مكتب المؤيد في الرياض والرحلة بعد أسبوعين بإذن الله
ورحلة موفقة
تحياتي

jacooo
لاوالله ماني موهقه إن شاء الله
بإذن الله سيدعو لي

ألاتحاد وبس صدقني وهاذي صوره لمقاعد بزنس كلاس ألي انا طالع عليها أنشالله يوم الاثلاثاء 31 أكتوبر

teem000
اخوي السلام عليكم ورحمة اللة وبركاتة
انا ابي احجز من مكتب المويد ابي باللة عليك عنوانة وهل الحجز بسعر هذا خاص لك 1590 ريال لان بروح بعد شهر ان شاء اللة وبجلس من 18 الي 20 يوم

السندباد بلازا
حيّاك الله يالسندباد بلازا
مكتب المؤيد - ( الملز - شارع الستين - خلف العقارية يعني يكون المكتب داخل الحارة )
والسعر ليس خاص
بل هذا سعر للكل 1590 ريال
( التذكرة + فوتشر إقامة بفندق في أبو ظبي إذا كان هناك ترانزيت بالعودة أكثر 6 ساعات )
أنصحك أخوي تروح وجوازك معك أو تكون عارف سبلنق أسمك بالجواز
وأتكل على الله وقص التذكرة يا عمي