مونة س
20-07-2022 - 09:57 pm
ياخوان انا زوجي مستحيل يسوق سياره في السفر هو يالله يالله يسوق هنا فما بالك بالسفر يكره السيارات و مسافرين النمسا وشفت كل مواضيع التنقلات و لقيتها بالقطار بس ماني فاهمة شي بدل محطة و لا تبدل واحجز طيب ما فيه باصات حتى لو اطول الوقت بس على الاقل عارفين راسنا من رجلينا ونقدر نصج راعي الباص كل شوي ونساله زي ما سوينا في ماليزيا و استراليا
انا ابغى اتنقل من فيينا الى زلمسي و سالزبورغ و غيرها وما شفت احد ذكر الباص كا طريقة تنقل هل لانه ما فيه و لا لانه مو مرغوب بصراحة احنا نفضل الباص فياريت اي احد عنده معلومة يقولها لنا
في فيينا التنقلات تكون بالمترو وهي الأفضل وسهلة الإستخدام تحتاج للتركيز في اول استخدام
وبعدها تكون سهلة جداً .. استخدام الباص في التنقل متعب جداً ولا أنصح به
كل ماعليك شراء تذاكر المترو لمره واحده ( يوم / ثلاثة أيام / اسبوع ) حسب مدة اقامتكم
في فيينا ..
للعلم / لفظ المترو يطلق على القطار الذي ينقل الركاب داخل المدينة فقط
أما لفظ القطار يطلق على القطارات اللي تنقل الركاب بين المدن ..
في سالزبورغ و زيلامسي من الممكن استخدام الباصات لكنها متعبة أيضاً
زوجك معه حق يرفض قيادة السيارة داخل المدن لأنها ممله ومتعبة لكن
قيادة السيارة في الريف ( سالزبورغ و زيلامسي ) ممتعة جداً لقائد السيارة