1. أيضا تقييم زواره شدّني ..

السلآم عليكم ..
انآ مآ اعرف المقدّمآت .. واسألوا الاستاذ مشبب الله يذكره بالخير خ
كان يجلس نص ساعة يشرحلي و يقول ..
يا ابني ترى من اهم عناصر التعبير المقدمة ..
وانا انواع الصّفط .. وادرعم ع الموضوع ع طول .. < -- ماعنده وقت
الاكيد .. يآ طوال العَمَآر ..
أنآ - و أعوذ بالله من كلمة أنآ - كنت في أحد الأيام بالدوام ..
و كعادتي اول ما اجي الصبآح أشيّك ايميلي ..
إلآ وأشوف هاك الايميل اللي يفتح النفس ..
صور خقق .. ومكتوب عليها كلمة انترلآكن ..
مسكت معآي غلط .. واروح لقوقل .. ابي اعرف وين هالانترلآكن < -- حتى استاذ الجغرافيا كان يشتكي مني
المهم .. واخذت كل المعلومات الكافية ..
وقلت يبيلها روحه لانترلاكن .. خصوصا ان مابينها وبين المانيا و النمسا مسافة كبيرة..
وقلت تصير 3*1
والمشكلة .. إني انسان مطفوق .. وماعندي وقت .. نظام خبط لزق..
والدليل اني نقزت على طول لمكتب السوبرفايزور .. وقلتله .. اذا ممكن اطلع إجآزة من

1. 2012 الى 5-07-2012 ..

قال اصبر أشيّك .. وشيّك كحيلان .. وقال مافيه أحد من الشبآب طالع .. تقدر تطلع .. !
والله يآجماعة .. على طول حجزت ع القطرية من غير اسوي اي برنامج .. ..
مثل ما قلت لكم .. طنخت .. وللاسف بالاخير توهقت ..
جدول الرحلة .. الدمام-الدوحة - ميونيخ ..
والرجعة .. جنيف- الدوحة - الدمام
لي .. و لأم شآيق طبعا .. لأنه لو طلعت الحالي .. سوف تحل عليّ اللعنة ...
وكان المجموع 8720 < -- ماادري ليش احس إنهم زرفوني .. بس قلت مايخدم بخيل خ < مالها شغل
ورجعت البيت .. بعد الدوام ..
وخططت تخطيط مبدأي للرحلة و كانت كالتالي ..
ليلة بميونيخ وحجزت فندقVilla Am Schlosspark
مراعيا بعده عن المدينة والصخب لأنه راح تكون معي سيارة ان شاء الله .. ومايحتاج اكون قريب من المدينة

أيضا تقييم زواره شدّني ..

وبعدها ليلتين بقآرمش .. وحجزت ب https://www.booking.com/hotel/de/fohrenhof.ar.html?aid=1300939
وهذا الفندق اخذته بعد ماقريت التقرير الخنفشاري لاخوي ثامر
وبعدها راح أتوجّه لزيلامسي وراح اجلس فيها اربع ليالي .. وحجزت ب Alpin - Das Sporthotel
وبعدها .. أبي اشق الشّعيب لإنتترلآكن ,, اللي هي سبب قدحتي ..
وراح اجلس فيها ان شاء الله خمس ليالي وحجزت ب Gloria
وبعدها ليليتين بجنيف .. لأن رجعتي راح تكون من مطار جنيف إن شآء الله .. !
و للحين ماحجزت بجنيف .. !
ارتحت نسبيا بعد الخطوات الأولى .. !
وبديت اقرى التقارير .. وهنا حسّيت أني توهّقت ..
لأن الديرة يبيلها تخطيط .. ماهي زي ماليزيا او دبي او اندونيسيا .. !
وهنا راح ابثركم بالاسئلة وهي كالتالي ..
1- افضل الأماكن بقارمش و زيلامسي و انترلاكن و جاورها