السلام عليكم
فندق الدار البيضاء رويال سعره ممتاز 55 ريال للشخص واعتقد عنده خصم للأطفال مكانه حي الشرفية شارع الملك عبدالله تقاطع طريق المدينة بجوار بنك ساب.....
شامي وابوشقراء اسعارهم اتوقع مقاربة لسعر الفندق......
التمشية في المولات الكبيرة مثل مجمع العرب طريق المدينة بعد كبري حراء باتجاه الشمال...... تسوق ومطاعم والعاب للأطفال.......
وشهركم مبارك.....

يا هلا بك اختي المهذبة طالما معاك اطفال جربي الفطور على المنتزهات المطلة على البحر وارشح لك الشراع جزيرة الصياد او الجزيرة الخضراء وقرات ان ملاهي الشلال عندها بوفيه افطار وكمان تشكي تشيز
بيتزاهت فرع الكورنيش برضه كويس اذا معاكم اطفال

مشكورين حبايبي على الرد

ماشاء الله تبارك الله
افضل شي تروحو البحر
الحمدلله اني من اهل جدة *** رمضان حلاوته بالبيت و بين الاهل***
بس انتو اكيد من خارج جدة ***** اشبعو منها كلها كم يوم ان شاء الله و تجي المدارس و تفضى جدة****

واو ليه كذا سالي كروي شكلك حاقده على ضيوفكم

سالي كروي
والله صدقت زحمة جدة من زوارها مو من أهلها
علشان تطلع تروحلك مشوار تكره نفسك

ليه يا سالي الى ها الدرجه مضايقنكم اسفين قلبي والمره الجايه نغير الوجه لان زحمة جده ما تطاق
نفسي اجيها مره والقي ما فيه زحمه
والاسعار في العالي البيبسي على الكورنيش بريالين على ايه
بس فيه عشاق لجده ما يقدرو يستغنو عنها يعني فيكم فيكم الزحمه

هلا بأختى عاشقة الصمت ..
تنورى وتشرفى جدة بزيارتك إنتى والأسرةالكريمة وكل زوار جدة ياهلا فيهم..
الأخت/ سالى ما تقصد أى إساءة لكم أو لأى من زوار جدة الغاليين لاقدر الله فأنتم على الراس ..
الموضوع هو إن جدة فى أيام الإجازات بتكون زحمة وهذا شىء موضوعى لأن حبايب جدة كثر الله يزيدهم ، فبعض سكان جدة بيأجلوا بعض المشاوير إلى بعد الإجازة حتى يكون الوضع هادى شوى ، كما يفعل مثلاً سكان الإسكندرية ففى الصيف يذهبون إلى الساحل الشمالى بمصر تجنباً للزحمة ..
المقصود فقط هذه النقطة العادية وأرجو ألا تأخذيها بأى حساسية ..
ياهلاً بكم مرة أخرى وتحت امركم فى أى شىء