أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
:السلام عليكم اخواني واخواتي في المنتدى
ارجو من الي سافروا الى هونج كونج ان يشرحولي عنها
لاني افكر ازورها في الصيف سياحة انا وعائلتي
وما اعرف عنها اي شي فارجو المساعدة وشكراً
رحت لها صيف 2006
وايد حلوه وبلد راقي ونظيف وايد
وديزني لاند في هونغ كونج
واحنا سكنا في كولون فندق رائع وقريب من السوق والمجمعات
في فندق Renaissance Kowloon Hotel Hong Kong
وهو موجود في مجمع تجاري وقريب من ناثان رود موقعه ممتاز وخدماته رائعه
وطبعاً اغلب المحلات الي زرتها بضاعتها ماركات عالميه
والحلو ان في اغسطس كان عندهم تخفيضات فأستغلينا هالفرصه
انا زرتها في يوليو 2007 ( شهر عسل ) , بلد جدا راقي و معاملته للسائح راقية...
بالنسبة لديزني لاند تقع في الجزيرة اللى فيها المطار 15 دقيقة بالقطار بس.....
اختى " ام سارة " ممكن تفتحين مواضيع الاعضاء اللى زاروا هونغ كونغ عشان تستفيدين من المعلومات اللى ذكروها.....
واي سؤال انا حاضرة....
انا كنت في هونج كونج قبل 10 ايام تقريبا. ديزني لاند موجوده في جزيرة لان تاو (نفس الجزيره اللي فيها المطار) بالنسبه للسكن انصح بالسكن في كولون اللي هو تقريبا وسط البلد. وافضل شي ان الواحد يسكن بالقرب من شارع ناثان لانه هو يعتبر المركز وكل شي موجود بالشارع هذا خاصه السياح, اعوذ بالله شكثرهم ههه طبعا هناك في شوارع متفرعه من شارع ناثان بعد كلها محلات ومطاعم. اتذكر في محلات صينيه شعبيه طحت عليها بالغلط بالقرب من محطة مترو ( برنس ادوارد ) فيها اشياء شعبيه واسعارها زينه تصلح هدايا, طبعا راح تلقون السياح قدامكم بالمحلات هذي. بالنسبه للمواصلات لاتستخدمون غير المترو لانه بصراحه شابك هونج كونج كلها من طقطق للسلام عليكم, قصدي من حدود الصين لين الجزر و سريع ورخيص وامن. مثلا من محطة (جوردان) في كولون الي محطة دزني لاند في جزيرة لان تاو ب 15 هونج كونج دولار يعني حوالي 7 ريال سعودي للشخص واسرع حيل من المواصلات الثانيه. بس اهم شي اعرف اسم محطتك والمحطه اللي تبي تروح لها. في بعد بجزيرة لان تاو التلفريك الي هي موجود في اخر محطه بخط جزيرة لان تاو ( ان بغيتوا بعدين اقدر اجيب الاسم من الاوراق والخرايط اللي معاي بعدين ) التلفريك هذا روعه صراحه ياخذك فوق الجبال وتشوف المطار تحت بس المشكله انه ينزلك بجنب تمثال اللات والعزي حقهم بوذا الله يعلنه, طبعا الصنم عملاق علي قمة جبل وتنزل انت عند قريه سياحيه حقة كهنتهم. أنا صارت لي نكبه عند الصنم هذا الله يلعنه بس مافي وقت اكتب عنها الحين. لو اخذ راحتي بالتعبير انا مشكله عشان كذا اوقف هنا واذا في اساله احاول اساعدكم قد ما اقدر. اوه نسيت شي بنهاية شارع ناثان في كورنيش علي كيفك المنظر فيه حلو جدا وبعد السياح هناك حتي اوقات متاخره من الليل, ماعليهم شرهه ماوراهم دوامات ههه. الزبده اذا في اسعله حنا حاضرين علي حسب الفراغ
وعندي سؤال اين توجد ديزني لاند في اي منطقة بهونج كونج؟؟؟