وعليكم السلام
اخوي الفارم ستي ماتستفيد من اللغه شي ابد
تمارس اللغه مع من؟؟؟ صاحب المزرعه من الشروق للغروب وهو يحرث بالمزرعه يعني ماعنده مجال يعلمك
ممكن تتعلم معاه اذا تساعده بالمزرعه تشتغل؟
انصحك تدرس بارت تايم يعني ساعات قليله بالمعهد وتسكن مع عايله ان شاء الله تستفيد
الله يوفقك

اخي mjjazm شاكر ومقدرمرورك وردك الكريم
سبق ودرست في معهد قبل سنتين في هولندا وسكنت عند عائله في مزرعه لمدة شهرين وكانت الفائده كبيره ولله الحمد لانه كان لدي المام لابأس فيه باللغه ،
وهذه السنه إتفقت مع زوجتي الذهاب الى نيوزلندا وإعادة التجربه في قريه من القرئ
لكن لاأعرف طبيعة نيوزلندا وماهي الطريقه المناسبه للبحث عن سكن عند عائله في مزرعه .
هل مركز المعلومات ممكن يفيدني ؟
هل الجزيره الشمالية أنسب او الجنوبية ؟
الحقيقه تصفحت المنتدى وشفت مجموعه من التقارير للعندليب ، والحر الجرئ وأحمد , المظلوم وكثير من الاخوان جزاهم الله كل خير ولم أجد أحداً تكلم عن الاقامه في مزرعه غير mjjazm وكنت ترد على إستفسارقديم .
عذراً للإطالة وكثرة الاسئلة
والف شكر

واياك بارك الله فيك
طيب اخوي الوضع في نيوزلندا يختلف شوي عند المزارعين حياتهم بس شغل من الشروق للغروب واختلاطهم بالناس قليل
بالنسبه للجزيرتين انا ارشح الجنوبيه لاسباب اذكر منها مايلي
اول شي اكثر سكانها اوربيين الاصل وبالامان اامن بكثير من الشمال والرخص ارخص
بالمعيشه وبالجمال اجمل
بس نقطه وحده هي ممكن تكون الفرق الشمال ادفئ من الجنوب بفصل الشتاء
عندي معرفة في بعض المزارعين اذا تحب اكلمهم ماعندي اي مانع

ماشاء الله اخي على تفاعلك ....... ما أقول الا الله لايحرمك الاجر.
اليوم بعد العصركلمت الوالد والوالده بشأن موضوع سفري الى نيوزلندا
شافوني متحمس وافقو لكن الوالده الله يهديها رمت يمين ما أروح للجزيره الجنوبية
( طبعاً هي لها ذكريات مع الوالد قبل سنوات أثناء حدوث الزلزال في كرايست كيرتش ) .
وسبحان الله كنت اتابع ردودك على الإستفسارات ولاحظت مدى معرفتك الجيده في هذة الجزيره وحبيتها لكن عقب الوالده إستبعدتها ...
ويصدفه دخلت المنتدئ المغرب شفت ردك الاخير ،
معليش اخي ودي اخذ رايك في قريه رشحها لي مهندس كندي يعمل معي
إسمها whitiang شفت كم تقرير عنها لكن أخاف اتوهق وطب على راسي ,
في أحد ردودك القديمه ذكرت قريه اسمها مدفين ومعهد انجلش الابزار ممكن كرماً معلومه عنها واسمها بالانجليزي.
اكرر الشكر والتقدير

هلا وغلا
whitianga قريه حلوه بس بالشتاء تكون الحركه فيها مره قليله وناسها قليله
بالنسبه لمدينه methven تقع بالجنووب ماراح تنفعك
منطقه جميله جدا جبليه
بخصوص الفارم ستي اقدر ممكن انفعك بالجنوب بس بالشمال شوي صعبه لقلة معرفتي هناك
وبس ملاحظه الزلزال صار بكرايست تشيرتش من فتره طويله والبلد الحين يتعمر والمددينه هذي ترا نقطه بالنسبه للجزيره الجنوبيه
فيها مناطق كثير ماجاها شي
بس استخير الله واللي فيه الخير ربي يرشدك له
وان شاء الله اي خدمه ماراح اقصر باذن الله
دمت بخير

الف شكر مشرفنا العزيزmjjazm وجزاك الله كل خير
إن شاء الله كم يوم أفكر وأستخير ثم اقرر
مره ثانيه شاكر ومقدر حرصك وإهتمامك....

مساء الخير للجميع
إخواني... ماهي متطلبات السفر الى اوكلاند كسائح ؟
هل تكفي التذكره ذهاب وعوده اقل من ثلاث شهور ؟
شكراً مقدماً

مساء النور
نعم مافي شي ثاني

مشكور مشرفنا العزيز
ومعليش تحملنا بعد كم سؤال
كيف أستطيع إستئجار سياره ؟
هل رخصة القياده السعوديه ( الجديده ) كافيه ؟
هل من الضروري وجود بطاقة ماستر كارد ؟
بالنسبة لطيران من الرياض الى أوكلاند
وش رايك في خ السنغافورية حصلت السعر 24765 ريال لثلاثة اشخاص
هل هو مناسب ؟ ورايك في خ السنغافورية ؟
وربي يجزاك خير..... والسلام