عرباوي كول
04-06-2022 - 06:22 pm
السلام عليكم ورحمة الله وبركاته ..
عندي طلب ارجوا انكم ماتردوني فيه ..
انا دورت في المواضيع والتقارير السابقه وهي كثيره وكل تقرير اجمل من الثاني لكن انا الصراحه احترت في اختيار الجدول المناسب لقضاء شهر العسل ..
انا بعطيكم خريطة طريق سفري ..
واللي ارجوه منكم انكم تضبطون لي احلى جدول من حيث الفنادق والأماكن السياحيه والأسواق خاصة الأوت ليت .. ^_*
اللي ممكن يساعدني وصدقوني مابنسى هالجميل ارجوا انه ينزل شوي تحت ..
رحلتي ان شاء الله بتكون في اول فبراير ان شاء الله على (( ميلان )) والعودة من (( روما )) والمدة 12 يوم ..
والمبلغ اللي خصصته للرحله بيكون كالتالي :
1_ للسكن : 8000 الاف ريال قطري ..
2_ للأماكن السياحيه : 6000 الاف ريال قطري ..
3_ للتسوق : 10000 الاف ريال قطري ..
علما اني قد حجزت الحمدلله التذاكر ذهاب وعودة (( دوحة ميلان __ روما دوحة )) ..
والمبلغ قابل للزيادة على حسب الجدول اللي بتحطونه لي ان شاء الله ..
ملاحظه :
(( تكفون لاتقولون لي روح دور في المواضيع )) ..
اخوكم الصغير :
عرباوي كول ^_^
اولا .....مبروك....
وثانيا".......نجي لمخطط الرحلة.....
اقسمها نصفين عشان نقدر نضبطها لك.....يعني:
ستة ايام في ميلان .....اول يوم الوصول.......يكون مفتوح لاستكشاف المنطقة
وبعدين يجي الايام......
يوم في كومو.....ويوم في لوغانو.......ومنها تزور اوت لت فوكس تاوون
ويوم في اولت سيرفالي.....
ويوم في فيرونا.......
وخل لك يوم في ميلان عشان تتسوقون وتشوفونها.....
وخل اليوم ماقبل الاخير الى فينيسيا......
عشان تقدر تلحق على مهرجان فينيسا والمهرجان يبدأ في تاريخ 6 فبراير ولمدة عشر ايام
المهرجان رائع وما يتفوت,,,,,,,وممكن تروحون الصبح وتقضون اليوم كامل هناك.....
بس ترا الجو بارد جدا......وزحمة.....بس ما يتفوت
وبعدين تطلع الى فلورنس وتقعد فيها يومين بالقطار......ومنها تزو برج بيزا
وبعدين تطلع الى روما وتقضي باقي الايام.......
وبخصوص السكن.....في موضوعين في اول صفحة الاستفسارات.....عن فنادق ميلان وروما....بتفيدك مررة
واي استفسار ثاني .......لا تتردد بوضعة بحاول قدر استطاعتي الرد علية بأذن الله
وبالتوفيق