فيه شقق عزاب بجانب الجامعه وانا بدلك عليها
1 _ خل الجامعه على يمينك ونت في طريق المطار ومتجه جنوب يجيك مخرج 8 او مبنى 10 ادوار ((سابك)) على يسارك اذا ماعرفت رقم المخرج ,,,تلف يمين من المخرج وتتجه غرب وتعدي اول كبري ((عثمان بن عفان)) وثاني كبري لف منه يمين وهناك شقق كثيره للعزاب اللي هو حي الوادي
2_ اذا وصلت مخرج 8 لف يسار وتصير متجه شررق وتشوف شقق عزاب على يمينك

واحب اضيف ايضا مقابل الجامعه شقق عزاب في حي الفلاح
مقابلها من جهة الملعب اللي في الجامعه ,,,

بس لحد يجاوبني ويقول دور عند الجامعة تلاقي كثير
المشكله ان هذا الواقع فعلا المناطق اللي حول الجامعه
فيها سكن عزاب وبكثره ولا بد من البحث الله يعينك

حياك الله .
عندك حي الوادي مثل ماقالوا قريب من الجامعه وفيه حي المصيف بين مخرج خمسه وسته ممكن تحصل اهم شيء لا جيت الرياض لازم تمر علي فنجال قهوة والله يستر عليك

مازن المازن ,,, عاشقة السفر ,,, البكور ,,,, راعي خطوط
اشكركم جميعا على مروركم
طيب ممكن توضحولي مكان الجامعة وانا جاي من مكة اذا ممكن لاني ماني عارف الطريق لها

دور حول الجامعة بتلقى شقق واجد
فيه أجنحة مفروشه مقابل الجامعة مباشرة إسمها أجنحة المرسلات للشقق الفندقية
وبالنسبة للأسعار ما عندي فكرة وكذلك ما أدري يأجرون عزاب أو لا لكنها قريبة جداً

mazo0on
ارجوا الرد

طريق مكه - الرياض هو امتداد للطريق الدائري الغربي لذا عليك الاستمرار على نفس الطريق بعد دخولك الرياض و ستلاحظ أن الطريق سيميل بك نحو الشمال " ستمر على بعض المعالم في هذا الطريق و منها الطريق المعلق يمينك ثم ضاحية لبن ثم حي السفارات يسارك ثم جامعة الملك سعود يمينك " بعدها طريق عبد العزيز بن ثنيان ثم الطريق الدائري الشمالي تدخل معه يمين باتجاه الشرق نحو الدمام 12كلم تقريبا و ستجد لوحة ترشدك لجامعة الإمام مخرج 7 طريق عثمان بن عفان .
أتمنى أن يكون الوصف واضحا و حياك الله في العاصمة ..

صدوق1
ما شاء الله تبارك الله وصفك ممتاز
حسيت نفسي اني وصلت الجامعه
طيب بتجيني لوحة مكتوب عليها الدائري الشمالي ؟