وافي بزمن جافي
الله يجزاك خير ماقصرت كفيت ووفيت بس 20 لان هذا اللي مخططين عليه بس شفت موضوع لابو ميرال انه تكلفته بس 11 وشي يعني بنقلل الميزانية ونوفر حق الصيف ان شاء الله
بس ممكن سؤال
الاخ ابو انس والوافي اتفقوا كوالا وسلانجور ولنكاوي وبيينج
وحضرتك الغيت لنكاوي واتفقت معاهم بالباقي ممكن اعرف السبب

المغادرون 2007
الله يوفقك دنيا واخرة موضوعك روعة بس بمخمخ عليه وعقب ارد
انا بقلب جدولكم بعد مااخذ لفة مضبوطة وراجعه لكم بالجدول اللي برسي عليه ان شاالله بس بليز لاتبعدون خلكيم قريب
مالي الا الله ثم انتم ياكوكبة الخبرا
بس ممكن سؤال للجميع وخصوصا الكوكبة
هل يمكن استبدال سلانجور بديكو (بورت ديكسون)

شموخ
ماشاء الله عليك
فعلا باين عليك متابعة جيدة
حتى أسماء الدلع لقطيتها وديكو حلوة راكبة تمام تضاف لما سبق
أؤيدك بشدة فعلا ديكو أنسب لكم من سلانقور
سلانقور أهم مايميزها الفندق الرائع والألعاب المائية وهي في الحقيقة يمكن تناسب العرسان لا العوائل
أؤيد أن تستبدلوها ببورت ديكسون في فندق ذا ليجند تأخذوا فيلا بمسبح داخلي آخر روعة
وتصلح للإستجمام بعد عناء السفر وتهئية للإنظلاقة
وإذا ما شفتي تقرير الأخ خليلها أنصحك تطلعي عليه فيه كل التفاصيل عن ديكو
https://artravelers.com/p/re/455764
وبالتوفيق إن شاء الله

السلام عليكم ورحمة الله
مشكورين يامشرفين ومشرفات واعتذر عن فتح موضوعين بس واحد عن التذاكر والتعاملات المالية وهذا تخطيط للرحلة
ناوين عايلتنا الكريمة تسافر لمدة 10 تقريبا لماليزيا
لفيت كثير شغلات حلوة بالتقارير وكل تقرير يقول الزين عندي
وقت رحلتنا مره شوي واحترت اكثر وين نروح
ياليت ترتبون لنا جدول مايخرش الميه ويبيض وجهي مع اهلي بارك الله فيكم
فيه معلومة علشان تفيد بالجدول اللي حترتبونه
السفرة
كلنا كبار الا بنوته صغيرة عمرها 5 سنوات ويمكن ماتروح معانا يعني حطوا شغلات للاطفال قليلة مره
رحلتنا ان شاء الله بتكو ن سياحية 90%و 10% تسوق هدايا تذكارية للاهل وكمان اسمع بالتقليد درجة اولى ابي شنط وجزم وساعات
ومافيه وقت للف والدوران ابي مره وحده ارح لمحل معين واخم
واحنا يمكن نكون 3 اشخاص
او 4 اشخاص وطفلة
الله بالسنع ابي اماكن سياحية وطبيعية 100%
وسكن متوسط يعني مو مره غالي وهل فيه شقق ولا بس فنادق
نبي ندلع نفسنا بفنادق كشخة كم يوم والباقي على قد الحال
وش الافضل نستاجر سيارة والا تاكسي؟
مدة الرحلة 10 ايام ان شاء الله
والميزانية ماادري كم تكلف بس خل نقول من غير تذاكر 20 الف تنفع والا لا؟؟
المبلغ اللي معا 10 والتذاكر على الوالد الله يحفظه ومن عنده 10 يعني 20 ولو تنفع الرجلة باقل يعني اوفر من عشرتي بيكون احسن ولو لا مو مشكلة انا شايلتها للسفرة اساسا
اخر شغلة وش افضل شي للتعاملات المالية بطاقة البنك العادية والا فيزا كارد ولو فيزا من اي بنك افضل؟
وهنا استفساري عن الحجز ومالحجز ياليت تطلون عليه
https://artravelers.com/p/re/461250
بانتظاركم

شوفي هذا الموضوع إن شاء الله يكون فيه معلومات مفيدة لكِ
https://artravelers.com/p/re/413343
بالنسبة للبرنامج أقترح عليكم
ليلتين : سلانقور
3 ليالي : لنكاوي
ليلتين : بينانج
3 ليالي : كوالا

بالنسبة للبطاقات الإئتمانية مفيدة في السفر لأنها تغني عن حمل النقود الكثيرة
بما أن عندك حساب في الأهلى أنصحك ببطاقة الأهلي مسبقة الدفع
بطاقة ممتازة جداً وأنا شخصياً أستخدمها من سنوات واحجز بها وأدفع للفنادق والمشتريات
ولم تقابلني فيها أي مشكلة .. حاولى تقدمي من الآن أنها تأخذ 14 يوم
أيضا يوجد بكاقة الراجحي مسبقة الدفع أسمها تسوق ممكن تستخرجيها في يوم واحد
برسوم 100 ريال مرة واحدة فقط .. لكنني أنصح ببطاقة الأهلى من واقع تجربة
وأيضا للمعلومية في ماليزيا يوجد مكائن صرافات الراجحي ويمكنك السحب م حسابك
بواسطة بطاقة الصراف العادية
يعني كل الأمور سهالة إن شاء الله

هلا بأختنا الغالية ( شموخ )
أقترح عليكم هذا الجدول وبأذن الله يعجبكم ...
يوم سلانجور ... فندق الصن واي لاجون
ثلاثة أيام لنكاوي ... فندق الموتيارا ... مناسب للميزانية المتوسطة
يومين بينانج ... فندق الفلامنجو أو الباي فيو بتش ... ممتازة ومناسبة للميزانية المتوسطة ..
أربعة أيام كوالالمبور ... ( الدورسيت ريجنسي - بيكولو - رويال بنتانج - )

• الفنادق أقترحتها بناء على رغبتكم بالسكن في فنادق متوسطة السعر ..
• لاتنسون زيارة جنتنغ ... وتخصصون لها يوم من أيام كوالالمبور
• السوق الصيني ومجمع التايم سكوير ... أفضل الأماكن لبيع الساعات المقلدة والشنط والأحذية ( أعزكم الله )

وتمنياتي لكم أختي الكريمة بالتوفيق دومآ وأبدآ
وافي بزمن جافي

و عليكم السلام
شكرا على تفضل به خبراء ماليزيا
الاخ / المغادرون 2007
الاخ / وفى فى زمن جافى
الافضل تثبيت جدول توزيع الايام على المدن و ثم تحديدالميزانية المقترحة و حساب تكفلة الفنادق و الرحلات
2 ليلة سيلانجور صنواى لاقون فندق براميدا ( غرفة ستديو )
4 ليالى بينانج - بارك رويال (غرفة عائلية )
4 ليالى كوالالمبور ( فندق رويال شولان - شقة غرفتين و صالة )
زيارة مرتفعات و ملاهى جنتق من الصباح الى المساء.
بالنسبة لمبلغ 20000 ريال ان شاء الله تكفى و تزيد على حسب الترتيب.
افضل بطاقة الائتمانية " تسوق الراحجى " مسبوقة الدفع.
بالتوفيق

المغادرون 2007
ههه اجل راكب خلاص لازم توقيع الاخ الوافي لانه هو اللي تبنى هالموضوع لازم يصدق الاسم علشان نعتمده
اي والله احولت عيوني من المتابعة هنا وكله كوم واستفسار ابو ميرال يوم يوقل ابي ابكي بجد اكتئبت هذا وهو رجال يقول كذا وشلون انا وانا اللي طاقتن الصدر ومتوليتن كل ابو الموضوع
طيب شورك وهداية الله
وتقرير الاخ خليلها من زود ماتحمست له مفتوح عندي ب4 تابات يعني اربع تبويبات
بس ماقريته مابي اتاثر بجمال الصور خل اجمع ردودكم بالاستفسار واخذ تصور مبدئي عقب اتوجه للتقارير وانا متسلحة بمشوراتكم