أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
سأكون متواجدا ببيروت في الفترة من 31-1 إلى 9-2 فما رأيكم في برنامج الرحلة علما بأن السكون سيكون ليلتين في موفنبيك ثم أربع ليالي في كورال بيتش ثم ثلاث ليالي في رمادا
وشكرا لكم
اهلين فيك اخي فهد ان شاء الله بتجي بالسلامة وبتكون رحلة موفقة عندي تعليق بسيط اول فندقين ممتازين التالت منيح بس عجئة كتير حدو يعني ورش عمار وإزعاج وضجيج كل الوقت برأيي لو عندك خيار تاني غير عليه اما بالنسبة للبرنامج ان شاء الله رح اعطيك كم رابط بيفيدوك بالنسبة للبرنامج رح اكتبلك برنامج واعطيك عدة روابط كمان والي بتحسو احسن توكل على الله وامشي عليه
اليوم الأول : بتطلع على فاريا
اليوم التاني: بتطلع على الشوف بيت الدين وقصر موسى وبعدين بتكمل على جزين وبعدين على صيدا وبتزور اماكن صيدا السياحية وكمان في عندك سوق صيدا حلو كتير لو كنت حابب تتسوق والغدى بيكون بمطعم اوتار بصيدا وبعدين بتكملوا على بيروت . اليوم التالت : بتطلع على جبيل بتزورقلعة جبيل والسوق العتيق وكمان لو كان الطقس حلو بتاخدلفة بالقارب وبتتعشى او تتغدى بمطعم لوكندا بجبيل وبعدين انت وراجع بتمر على الستي مول وكمان ال abc مول . اليوم الرابع : بتطلع على متحف المشاهير بزوق مصبح وبعدين جعيتا والتلفريك وجونية وبعدين الغدى بيكون بجونية بمطعم مانويلا وعشية بتنزلوا عالسوليدير .
اليوم الخامس : طرابلس زيارة بحيرة السمك
اليوم السادس : لو بدك بتقضيا ببيروت زيارة معالم بيروت او تسوق عندك كتير اسواق متل سوق الحمرا وسوق برج حمود وسوق مارالياس وسوق فرن الشباك وسوق البربير البيروت مول والستي مول وسوق فردان وسوق معوض واسواق السوليدير واسوق الزلقا والكسليك وال Abc مول . ملاحظة : بالبرنامج ما ذكرت البرنامج بالنسبة لليل بالليل فيك تقضيا بالسوليدير او تسهر بشي مطعم متل مطعم اوتار او انغام او زاد الخير او فيك تشوف سينما او القعدة بشي كافية عالروشة او بفردان كمان لو حبيت تشتري حلويات للسفر عندك حلويات البابا وحلويات دويهي والسي سويت والحلاب في كتير مطاعم طيبة ببيروت عندك مثلا السلطان ابراهيم او الصياد هو مطاعم سمك وعندك برج الحمام بفندق الموفنبيك فيك كمان تزيد عالبرنامج مثلا شي مرة تطلع على برمانا تتغدى بشي مطعم متل منير او قصر فخر الدين . كمان في هالروابط ممكن تفيدك https://artravelers.com/p/re/260683 بالتوفيق ان شاء الله
على الأقل ادعوا لي ألقى برنامج وأنبسط وأرجع بالسلامة
ومع هذا لازلت أطمع بمن يفيدني وأنتظر