حلو الموضوع جداا وجا في وقته
انا لدي كاميرات بروفيشنل كانون
ولدي كاميرات دجتل من كانون ونيكون وسوني و بينتكس
طبعا لعشقي للكاميرات
وكانت افضل كامره مشابه للاحترافيه بدقه و بزوم ممتاز جدا
هي canon S100 واستطعت تصوير القمر من خلالها بوضوع مثل ما اصوره في كاميرات البروفيشنل ولكن الدقه مختلفه
وانا انصح في canon S100 وبحث عنها
واذا كنت تبحث عن الاحترافيه
انصحك في canon 600D
او
canon 7d
والكامره على حسب طلبك .. ممكن تشتري الكاميرا لحالها بسعر والعدسه الي تبينها بسعر
وممكن تاخذ الكامره والعدسه بسعر معقول
وان شاءالله بحاول احط كم صوره للتوضيح

ممكن مع البحث والاستفسار الحصول على مثل هذه العروض
في مختلف الشركات او الوكيل او الموزع

وممكن شراء الكاميرا فقط ويكون معاها الشاحن وباقي المستلزمات الرسميه مثل الاكسسوارات والسيدي

وفي هذي الحاله .. عليك ان تتوجه نحو العدسات :
واختيارك من العدسات الي انت تحتاج لها في التصوير

والحاله الاخرى :

شراء الكاميرا مع العدسه الرسميه 18-55
واهيا تعتبر ممتازه في البدايه والجميع يستخدمها
ومع الايام يبدأ الشخص بالبحث عن العدسات
وشراء مايحتاج من العدسات للتصوير
وهذي S100

وهذي 7d ولكن اذا ترغب في 7d لها شرح مفصل

وان شاءالله افدتك في هذا الرد واي استفسار حاضرين

مشكور اخي عالرد
طبعا لاني املك كاميرا شبه احترافيه وبحاله جيده لذا افكر باقتناء الاحترافيه فقط
وباين من ردك انك ترشح لي كانون d600
والصراحه هذا الي كنت مفكره اشتريها
وحايره بينها
وبين كانون d550
اغلب المواضيع الي قربتها يمدحون بهالثنتين
وبسالك ايهم افضل
وشالفرق بينهم
ويجي معهم عدسه ولا لازم عدسه اشتريها لحالها
ولو كان في عدسه معها ,,
بيكون الزوم تبعها قوي ؟!لانه يهمني الزوم وهواحد الاسباب الي خلاني اغير كاميرتي g10
وكيف هي شكل العدسه كبير ولا صغير
طبعا الكاميرا عندي لتصوير السفر غالبا,, مناظر طبيعيه وماشابه وعادة المناظر الطبيعيه محتاجه زووم بس الزوم مب كل شي وانا ماابي اغير بالكام كل شوي
وش تنصحني بالانتظار

ابغاكم ترشحولي كاميرا يكون الزوم تبعها اعلى من كانون جي 10
بالانتظار

العفو ولو ياختي كلنا فينا خير وبركة للمساعده للجميع
انا من وجهة نظري انصحج في 600D فهي الأجدد والافضل
انا انصحج تشترينها مع العدسه الاساسيه الي تجي مع الكامره
يعني الكامره وعدسه وبطاريه وشاحن واكسسواراتها الي دايم تيجي في البوكس
ولكن الميموري كارت يختلف على حسب الشركات في شركة تقول مجانا او هديه وفي شركة تقول لازم تشترينها
اذا تحبين زوم وسعره يكون معقول
انصحج في 2
Canon lens 55-250 & Canon lens 70-300 USM
وانتبهي ان تكون USM لان يدل على ان العدسه فيها مانع للاهتزاز ويكون تصويرها افضل
لان في 75-300 ارخص بدون USM
1- 55-250

2- 70-300

وانا اختج وانصحج في شراء Canon 600D
+ Canon Lens 70-300 usm
واذا حصلتيها غاليه اشتري Canon lens 55-250
لان يفرق 5 فقط في اقصى حد للزوم ويعتبر فارق بسيط
وافضل ان تروحين احدى الشركات وتجربين الكاميرا مع عدستها الاساسيه
وتجربينها مع الزوم
والي ترتاحين عليها من الزوم اشتريها
لان العاديه ماتعطيكي الزوم المطلوب
وانا ان شاءالله خلال هذه الايام راح اعرض كل صوره من تصويري مع العدسه المستخدمه
وطريقتي في تصوير القمر
واي سؤال ياعزيزتي انا حاضره وبالخدمه

jao_3000
الكامرات الاحترافيه الزوم تبعها يعتمد على العدسه
مثال
lens 70-300
100-400
150-500
واختيار الزووم على حسب الاستخدام ورغبت التصوير منه
مثلا عدسات مخصصه لتصوير القمر يكون زومها عالي من 400 وماوفوق
ولكن ايضا العدسات 70-300 و 55-200 ايضا تصور القمر
ولكن ليس بقرابة ال 300 ومافوق ولكن ايضا صورة القمر واضحة
واذا حابه ممكن افصلج شرح خاص بالعدسات
ولكن تقولين لي العدسات المطلوبه .. يعني مثلا تبين عدسه زوم .. عدسه مايكرو .. وهكذا

ماشاء الله عليج اختي شكلج خبيره
احس وضحتيلي الرؤيه كثير من بعد ما كنت مره تايهه
باسالج الحين الكاميرا بعض الاسئله عن كانون جي 600
يجي معاها عدسه افتراضيه صح كم مقاسها وحلو الزووم تبعها؟؟
الكاميرا تدعم اللغه العربيه؟؟
العدسه الي ابيها حق زووم لان هي المشكله الي غيرت كاميرتي السابقه عشانها بس ما ابيها العدسه كبيره لانها للسفر فمعناها اخذ وحده من الي رشحتيهم لي 70 -300 او 55 -250 ؟؟

كنت اقصد d600الي قاعدين نتكلم عنهاكتبت g600بالخطأ

وانا قريت عنها بالنت كثيير بس استفساري
اذا اخذت العدسات الي نصحتيني فيها وبغيت اصور شي قريب بنفس الكام صور طفل مثلا تصير الصوره صافيه وحلوه ولا لازم اغير الكام للافتراضي
ابي كام واحد مكابي اغير كل شوي
بالانتظار